"ول كەش باتقانىن كۇتىپ, وزىنەن ءالسىز قۇرباندى ىزدەگەن. ماسەلەن, جۇمىستان قايتىپ كەلە جاتقان بەيتانىس قىزدى سىرتتاي "شىعارىپ سالىپ", ءۇيدىڭ كىرەبەرىسىنە جاقىنداعاندا قۋىپ جەتىپ, ارام پيعىلىن جۇزەگە اسىرىپ وتىرعان. ول قۇربانىن قورقىتىپ, كەز كەلگەن قۇندى دۇنيەسىن: سىرعا, ۇيالى تەلەفون, ساعات, اقشا بەرۋىن تالاپ ەتكەن. كەيدە سومكەسىن الىپ قاشاتىن بولعان", دەيدى الماتى قالاسى پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
كۇدىكتى ۇستالىپ, الماتى قالاسى پد ۋاقىتشا ۇستاۋ يزولياتورىنا قامالعان. پوليتسيا ونى قولعا تۇسىرگەندە كۇدىكتىنىڭ قولىندا جاسىل سابى بار اس ءۇي پىشاعى بولعان. سونداي-اق كۇدىكتىنىڭ بۇرىن دا وسىعان ۇقساس قىلمىستى بىرنەشە رەت جاساعانى ءۇشىن سوتتالعانىن انىقتاعان.
