قر ەلشىسى تولەجان بارلىباەۆ مەملەكەتارالىق قاتىناستاردىڭ جوعارى دەڭگەيىن اتاپ ءوتتى, بۇعان حورۆاتيا ەلشىلىگىنىڭ نۇر-سۇلتاندا اشىلۋى, ۆەدومستۆوارالىق بايلانىستىڭ ارتۋى جانە سىرتقى ساۋدا اينالىمىنىڭ ءوسۋى دالەل بولدى. سونىمەن, اعىمداعى جىلدىڭ قاڭتار-قىركۇيەك ايلارىندا ءوزارا ساۋدا كولەمى ەكى ەسەگە ءوسىپ, 300 ميلليون دوللاردان استى.
ديپلومات كەزدەسۋگە قاتىسۋشىلاردى قازاقستاننىڭ تۇراقتى دامۋىنا باعىتتالعان رەفورمالاردى جۇرگىزۋگە جۇيەلى كوزقاراسپەن باسا وتىرىپ, پرەزيدەنت ق.توقاەۆتىڭ قازاقستان حالقىنا جولداۋىمەن تانىستىردى. الەمدىك كۇيزەلىستەر داۋىرىندە قازاقستان دامۋىنىڭ باستى باسىمدىعى الەۋمەتتىك ءال-اۋقات پەن ادامي كاپيتالدى دامىتۋ بولىپ قالا بەرەتىندىگى باسا ايتىلدى.
حورۆاتيا سابورىنىڭ دەپۋتاتى, بۇرىنعى ەڭبەك جانە حالىقتى الەۋمەتتىك قورعاۋ ءمينيسترى داۆوركو ۆيدوۆيچ قازاقستاننىڭ جەتىستىكتەرىن جوعارى باعالاپ, تۇڭعىش پرەزيدەنت - ەلباسى ن.ءا.نازارباەۆتىڭ مەملەكەتتىلىكتى قۇرۋداعى, قازاقستان ەكونوميكاسىنىڭ وزىق مودەلى مەن كوپۇلتتى قوعام قۇرۋداعى وراسان زور ۇلەسىن اتاپ ءوتتى. حر سوتسيال-دەموكراتيالىق پارتياسىنىڭ مۇشەسى د.ۆيدوۆيچ قر باسشىلىعىنىڭ الەۋمەتتىك سالانى, ءبىلىم بەرۋ مەن دەنساۋلىق ساقتاۋدى دامىتۋ بويىنشا قابىلداعان شارالارىن قۇپتادى.
دوستىق قوعامىنىڭ توراعاسى اندريا كارافيليپوۆيچ قازاقستاننىڭ ەتنوسارالىق جانە كونفەسسياارالىق كەلىسىمنىڭ بىرەگەي مودەلىن قۇرۋداعى تابىستى تاجىريبەسىن اتاپ ءوتتى. مەملەكەتارالىق قاتىناستاردى دامىتۋداعى قوعامدىق ديپلوماتيانىڭ ماڭىزدى ءرولى اتاپ كورسەتىلدى. ول قوعام قىزمەتى الداعى ۋاقىتتا دا ەكى ەل اراسىنداعى دوستىق پەن ىنتىماقتاستىقتى نىعايتۋعا باعىتتالادى دەپ سەندىردى.
كەزدەسۋ قورىتىندىسى بويىنشا دوستىق قوعامىندا زاگرەبتە اباي مەن ءال-فارابي مۇرالارى تۋرالى كىتاپتاردىڭ تۇساۋكەسەرىن وتكىزۋ, سونىمەن قاتار 2020 جىلدىڭ شىلدەسىندە سايلانعان حورۆاتيا سابورىنىڭ جاڭا قۇرىلىمىندا پارلامەنتارالىق دوستىق توبىن بىرلەسكەن كۇش-جىگەرمەن قۇرۋىن جەدەلدەتۋ بويىنشا تۋرالى كەلىسىمگە قول جەتكىزىلدى.
