كەلۋشىلەر قاتاڭ سانيتارلىق نورمالاردى ساقتاۋى كەرەك. 26 جانە 27 قىركۇيەكتە "حان-شاتىر" ساۋدا ويىن-ساۋىق ورتالىعىنىڭ جانىنداعى ۋچاسكەدە (قوناەۆ كوشەسى مەن تۇران داڭعىلىنىڭ قيىلىسى) شىعىس قازاقستان جانە اقمولا وبلىستارى وندىرۋشىلەرىنىڭ قاتىسۋىمەن جارمەڭكە وتەدى.
جالپى قۇنى 421 ميلليون تەڭگەدەن اساتىن 732 توننا اۋىلشارۋاشىلىق ءونىمىن ساتۋ جوسپارلانعان. وسىلايشا, فەرمەرلەر 293 توننا كارتوپ پەن كوكونىس, 117,5 توننا ەت جانە ەت ونىمدەرىن, 50 توننا ءسۇت ونىمدەرىن, 45 توننا بال, 40 توننا ۇن, 10 توننا وسىمدىك مايى, 9,3 توننا بالىق, 8 توننا قىمىز جانە ۇلتتىق ونىمدەر, 1,5 توننا جارما جانە 20 توننا باسقا ونىمدەردى ۇسىنادى.
بىرقاتار وڭىرلەردەگى ەپيدەميولوگيالىق احۋالدى ەسكەرە وتىرىپ, تاۋىق ەتى مەن جۇمىرتقا قاۋىپسىزدىك ماقساتىندا جارمەڭكەدە ساتىلمايدى.
جالپى, وڭىرلەر تاۋاردىڭ 65 ءتۇرىن نارىقتاعىدان 10-15 پايىزعا تومەن باعامەن اكەلەدى.
ەستەرىڭىزگە سالا كەتەيىك, جارمەڭكەگە كەلۋشىلەر قاتاڭ سانيتارلىق-ەپيدەميولوگيالىق تالاپتاردى ساقتاۋى: ماسكا تاعىپ, قاشىقتىق ساقتاپ, مىندەتتى تۇردە انتيسەپتيك قولدانۋى كەرەك.
