سىبايلاس جەمقورلىققا قارسى قىزمەتتىڭ بيۋدجەتتىك باعدارلامالار اكىمشىلەرىمەن تىكەلەي جۇمىس ىستەۋى ارقىلى مەملەكەتتىڭ 7,7 ملرد تەڭگەگە جۋىق ءتيىمسىز شىعىندارىنىڭ الدىن الىپ, جوسپارلاۋ ساتىسىندا 1,5 مىڭ تاپسىرىس بەرۋشىنىڭ بيۋدجەتتەرى وڭتايلاندىرىلدى.
ءبىلىم جانە عىلىم مينيسترلىگىنىڭ جەرگىلىكتى اتقارۋشى ورگانداردىڭ وقۋشىلاردى قاشىقتىقتان وقىتۋعا ارنالعان كومپيۋتەرلەر, نوۋتبۋكتەر مەن پلانشەتتەر ساتىپ الۋىن سۇيەمەلدەۋ تۋرالى ءوتىنىشى – جۇرگىزىلىپ جاتقان جۇمىس تيىمدىلىگىنىڭ كورسەتكىشى. تەحنيكا الەۋمەتتىك وسال ساناتتاعى وقۋشىلاردىڭ ۋاقىتشا پايدالانۋىنا ارنالعان.
بۇل ماقساتقا ۇكىمەت قورىنان 70 ملرد تەڭگەدەن استام قاراجات ءبولىندى.
قوعامدىق باقىلاۋ اياسىندا بولىنگەن قاراجاتتى ءبولۋ جونىندەگى كوميسسيالاردىڭ جۇمىسىنا "ادالدىق الاڭى" وڭىرلىك جوبالىق كەڭسەلەرىنىڭ, ارنايى مونيتورينگتىك توپتارىنىڭ جانە اگەنتتىكتىڭ اۋماقتىق بولىمشەلەرىنىڭ وكىلدەرى ەندى.
"باعا-ساپا" اراقاتىناسى قاعيداتى بويىنشا ۇيىمداستىرۋ تەحنيكاسىنىڭ الەۋەتتى جەتكىزۋشىلەرىنىڭ باعا ۇسىنىستارىن ىرىكتەۋ ارقىلى بىرلەسكەن كۇش-جىگەرمەن شامامەن 3,6 ملرد تەڭگە ۇنەمدەلدى.
اگەنتتىك ءبىلىم جانە عىلىم مينيسترلىگىنىڭ باستاماسىن جوعارى باعالايدى, سونداي-اق مۇنداي تاجىريبەنى باسقا مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىنىڭ قولدانۋىن قۇپتايدى.
ساتىپ الۋ جۇيەسىنىڭ اشىقتىعىن ارتتىرۋ, قوعامدىق باقىلاۋدى كۇشەيتۋ ماسەلەلەرىندەگى سىندارلى ىنتىماقتاستىق – سىبايلاس جەمقورلىققا قارسى قىزمەتتىڭ الدىن الۋ قىزمەتىنىڭ نەگىزى.
