باستاپقى كەزەڭدە نۇر-سۇلتان – ماسكەۋ باعىتى بويىنشا "ەير استانا" جانە "اەروفلوت" اۋە كومپانيالارى اپتاسىنا ءبىر رەيستەن ورىندايدى.
"ەير استانا" اۋەكومپانياسى 26 قىركۇيەكتەن, "اەروفلوت" 27 قىركۇيەكتەن باستاپ اۋە رەيسىن ورىنداۋدى جوسپارلاپ وتىر.
رەيستەر قازاقستان مەن رەسەيدىڭ سانيتارلىق-ەپيدەميولوگيالىق نورمالارىن قاتاڭ ساقتاي وتىرىپ جانە اۋە كومپانيالارىنىڭ سايتتارىندا جاريالانعان كەستەگە سايكەس ورىندالادى.
قر باس مەملەكەتتىك سانيتارلىق دارىگەرىنىڭ تالاپتارىنا سايكەس رەسەيدەن قازاقستانعا كەلەتىن جولاۋشىلار ءۇشىن بىرقاتار تالاپ قويىپ وتىر:
- تەرمومەتريا;
- ساۋالناما;
- العان ساتتەن باستاپ قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە 5 تاۋلىكتەن اسپايتىن ۋاقىت وتكەن, پتر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19-عا تەكسەرىلگەنى تۋرالى انىقتاما بولعان جاعدايدا – شەكتەۋسىز; انىقتاما بولماعان جاعدايدا – كەلگەن جەرى بويىنشا پتر ادىسىمەن COVID-19-عا زەرتحانالىق تەكسەرۋ نەمەسە 14 كۇنگە ءۇي كارانتينى.
