"بۇگىنگى تاڭدا قازاقستاندىقتار 11 ەلگە بارا الادى. ءسىز شەت مەملەكەتتەر قانداي تالاپتاردى قوياتىنىن ءبىزدىڭ كەستەدەن بىلە الاسىز", دەپ حابارلايدى قر ءسىم رەسمي وكىلى ايبەك سمادياروۆ.
كەستەدە پتر-تەست قاجەت پە, قانداي دا ءبىر ەلگە كەلگەن سوڭ كارانتينگە جاتقىزىپ تاستاي ما, وزىمەن بىرگە قانداي قۇجات الىپ ءجۇرۋ قاجەت, ۆيزا قاجەت پە, جوق پا وسى جانە وزگە دە تالاپتار كورسەتىلگەن.
"بۇل اقپارات جاڭارتىلىپ وتىرادى, سوندىقتان ساپارىڭىزدى جوسپارلاۋ كەزىندە شەت مەملەكەتتەردىڭ تالاپتارىن مۇقيات زەردەلەۋدى سۇرايمىز", دەپ ءمالىم ەتتى ءسىم رەسمي وكىلى.
ايتا كەتەيىك, قازاقستاندىقتار ۇشىپ بارا الاتىن 11 مەملەكەتتىڭ قاتارىندا بەلارۋس, بىرىككەن اراب امىرلىكتەرى, گەرمانيا, مىسىر, نيدەرلاند كورولدىگى, كورەيا رەسپۋبليكاسى, قىرعىزستان, وزبەكستان, تۇركيا, ۋكراينا جانە رەسەي بار.
ۆەدومستۆو جاساعان كەستەمەن مىنا سىلتەمەدە تولىق تانىسا الاسىز.
