ايماقتار • 23 قىركۇيەك، 2020

"دامۋمەن" بىرگە داميدى

15 رەت كورسەتىلدى

"دامۋ" كاسىپكەرلىكتى دامىتۋ قورى بيىل 8 اي ىشىندە باتىس قازاقستان وبلىسىنداعى كاسىپورىندارعا جالپى كولەمى 9،6 ملرد تەڭگەگە قولداۋ كورسەتكەن دەپ حابارلايدى Egemen.kz. بۇل جونىندە ورال قالاسىنداعى بىرقاتار بيزنەس نىساندارىنا جۇرگىزىلگەن پرەسس-تۋر كەزىندە ءمالىم بولدى.

اتالعان قوردىڭ ايماقتىق فيليالى بيىل جىل باسىنان بەرى بيزنەستى جەڭىلدىكپەن نەسيەلەۋ مەملەكەتتىك باعدارلاماسىن ىسكە اسىرۋ شەڭبەرىندە باتىس قازاقستان وبلىسىنداعى كاسىپورىنداردىڭ 100 جوباسىنا جالپى سوماسى 9،6 ملرد تەڭگەگە پايىزدىق مولشەرلەمەنى سۋبسيديالاۋ تۇرىندە قارجىلىق قولداۋ كورسەتكەن ەكەن. ال جالپى سوماسى 1،3 ملرد تەڭگە بولاتىن 117 جوبا قوردىڭ كەپىلدىلىگىن يەلەنىپتى.

"دامۋ" قورىنىڭ قولداۋىنا يە بولعان كومپانيالار قاتارىندا "ورال ترانسفورماتور زاۋىتى" جشس، "شاڭىراق" تۇزەتۋ-وڭالتۋ ورتالىعى جانە "تالاپ" اكتسيونەرلىڭ قوعامىنىڭ مەديتسينالىق ورتالىعى جەلىسى بار.

"Alageum Electric" حولدينگتىك كومپانياسىنىڭ قۇرامىنا كىرەتىن "ورال ترانسفورماتور زاۋىتى" 6-10كۆ كەرنەۋلى كۇشتىك ترانسفورماتورلاردى وندىرەدى. بۇگىنگى تاڭدا زاۋىت ءونىمى تمد مەملەكەتتەرى اۋماعىندا ەنەرگەتيكا سالاسىندا كەڭىنەن قولدانىلادى.

زاۋىتتىڭ ساتۋ ءبولىمىنىڭ مەنەدجەرى نۇربەرگەن كارىموۆتىڭ ايتۋىنشا، "دامۋ" قورىنىڭ سۋبسيديالاۋى شەڭبەرىندە كاسىپورىن "بيزنەستىڭ جول كارتاسى" مەملەكەتتىك باعدارلاماسىنىڭ اياسىندا بىرنەشە مارتە جەڭىلدىكپەن نەسيە العان. ءسويتىپ، جاڭا جابدىقتار ساتىپ الىنىپ، اينالىمدىق قاراجات تولىقتىرىلعان.

- جىل باسىندا ەكسپورتتىق الەۋەتتى ارتتىرۋ ماقساتىندا «باسىم جوبالاردى نەسيەلەۋ مەحانيزمى» باعدارلاماسىنىڭ شەڭبەرىندە ەكىنشى دەڭگەيلى بانكتەن 15% جىلدىق مولشەرلەمەمەن 1،9 ملرد تەڭگە سوماسىنا نەسيە الدىق. بۇل نەسيەنىڭ 9%-ىن «دامۋ» قورى سۋبسيديالايدى. سوندا ءبىز نەسيەنىڭ تەك 6 پايىزىن عانا تولەيمىز. بۇل ۇلكەن كومەك، - دەيدى نۇربەرگەن كارىموۆ.

"قاراپايىم زاتتار ەكونوميكاسى" باعدارلاماسى شەڭبەرىندە "دامۋ" قورى "تالاپ" اكتسيونەرلىڭ قوعامىنىڭ مەديتسينالىق ورتالىقتار جەلىسىنە دە قولداۋ كورسەتكەن. بۇل كومپانيا ورال قالاسىنداعى جەتەكشى جەكەمەنشىك كلينيكالاردىڭ ءبىرى. 26 جىل بويى مەديتسينالىق قىزمەت كورسەتۋمەن اينالىساتىن كومپانيا كەشەگى كوروناۆيرۋس ىندەتى ۋشىققان كەزدە مەملەكەتتىك قولداۋدىڭ ارقاسىندا گەرمانيالىق ماگنيتتىك-رەزونانستىق توموگرافيا اپپاراتىن ورناتتى. قاۋىپتى ۆيرۋستى دەر كەزىندە انىقتاۋعا بۇل قۇرالدىڭ كومەگى ۇلكەن.

- جىل باسىندا مەديتسينالىق جابدىق ساتىپ الۋ ماقساتىندا ءبىز قازاقستان حالىق بانكىنە جۇگىندىك. "قاراپايىم زاتتار ەكونوميكاسى" باعدارلاماسىنىڭ شەڭبەرىندە بانك بىزگە 13% جىلدىق مولشەرلەمە بويىنشا 250 ملن تەڭگە سوماسىنا نەسيە بەردى. ونىڭ 7%-ىن "دامۋ" قورى سۋبسيديالايدى، دەيدى "تالاپ" اكتسيونەرلىك قوعامى قالالىق كوپبەيىندى اۋرۋحاناسىنىڭ باس دارىگەرى ەلەنا دزيۋبا.

4

"دامۋدىڭ" دەمەۋشىلىگىن كورگەن تاعى ءبىر مەكەمە - مۇمكىندىگى شەكتەۋلى بالالارعا ارنالعان «شاڭىراق» تۇزەتۋ-وڭالتۋ ورتالىعى ەكەن. ورال قالاسىندا بيىل جىل باسىندا اشىلعان ورتالىقتا مۇمكىندىگى شەكتەۋلى بالالارعا مەديتسينالىق كومەك كورسەتىپ، تۇزەتۋ جانە ءبىلىم بەرۋ فۋنكتسيالارىن دا بىرىكتىرىپ وتىر. ورتالىقتا ءتۇرلى سالانىڭ ماماندارى: نەۆرولوگ، رەابيليتولوگ، نەيروپسيحولوگ، دەفەكتولوگ، لوگوپەد، ەدش ينسترۋكتورى، ماسساجيست پەن كوررەكتسيالىق پەداگوگ جۇمىس ىستەيدى.

- جىل باسىندا جابدىق ساتىپ الۋ ءۇشىن نەسيە الۋعا "دامۋ" قورىنا جۇگىندىم. ءسويتىپ "سبەربانك" ارقىلى "ەڭبەك" 2017-2021 جىلدارعا ارنالعان ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا 6% جىلدىق مولشەرلەمەمەن 16،4 ملن تەڭگە الىپ وتىرمىن. "دامۋ" قورى نەسيە كەپىلدىگىنىڭ 60 پايىزىن ءوز موينىنا الدى، دەيدى ورتالىق ديرەكتورى گۇلنۇر تولەگەن.

باتىس قازاقستان وبلىسى

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار