وقيعا • 23 قىركۇيەك، 2020

جۋرناليستەردىڭ سالالىق كاسىپوداعى قۇرىلدى

18 رەت كورسەتىلدى

قازاقستاندا بۇقارالىق اقپارات قۇرالدارى مەن تەلەراديو حابارلارىن تاراتۋ قىزمەتكەرلەرىنىڭ «BAQ KASIPODAQ» سالالىق كاسىپوداعى» قۇرىلدى. بۇل تۋرالى ZOOM پلاتفورماسىندا ۇيىمداستىرىلعان بەينەكونفەرەنتسيادا ايتىلدى.

كونفەرەنتسياعا  قازاق تەلەۆيزياسىندا ۇزاق جىلدار ەڭبەك ەتكەن بەلگىلى جۋرناليستەر ارمان سقابىل ۇلى، ماحات سادىق، قىمبات دوسجان، زەيىن الىپبەك، «Astana Tv» تەلەارناسىنىڭ باس ديرەكتورى قۇرمانبەك جۇماعالي، «حابار 24» تەلەارناسىنىڭ ديرەكتورى ولگا تسوي مەن «مەديا دامىتۋ قورى» كورپوراتيۆتىك قورىنىڭ باس ديرەكتورى ەۆگەني كوچەتوۆ، «ايقىن» گازەتىنىڭ باس رەداكتورى نۇرمۇحاممەد بايعاراەۆ، جۋرناليست، IBalaqai جوباسىنىڭ پروديۋسەرى ءارى جۇرگىزۋشىسى ماحاببات ەسەن جانە وزگە دە جۋرناليستەر مەن باق سالاسىنىڭ مەديامەنەدجەرلەرى قاتىستى.

جۋرناليستەردىڭ سالالىق كاسىپوداعى وتاندىق باق سالاسىنىڭ دامۋى، تىلشىلەر قاۋىمىنىڭ قوعامداعى ىقپالى مەن ءرولىنىڭ ارتۋىنا، مارتەبەسىنىڭ كوتەرىلۋىنە كۇش سالادى. ۇيىم توراعاسى رەتىندە جۋرناليستيكادا 30 جىلدىق تاجىريبەسى بار، كورەرمەن كوزايىمىنا اينالعان بەلگىلى تەلەجۇرگىزۋشى زەيىن الىپبەك ۇسىنىلىپ، سالاعا جەتەكشىلىك ەتەتىن بولدى. ءوز سوزىندە كونفەرەنتسيا مودەراتورى، «Astana Tv» تەلەارناسىنىڭ باس ديرەكتورى قۇرمانبەك جۇماعالي: «وكىنىشكە قاراي، جۋرناليست قاۋىمنىڭ كاسىبي جۇمىسى كوبىنە ەلەنبەي، كولەڭكەدە قالىپ جاتادى. كەيدە ارىپتەستەرىمىز قىزمەتتىك مىندەتىن ورىنداۋ كەزىندە ءتۇرلى كەدەرگىلەرگە تاپ بولاتىنىن دا كورىپ ءجۇرمىز. سوندىقتان جۋرناليستەردىڭ قۇقىقتىق، الەۋمەتتىك مارتەبەسىن كوتەرۋگە بارىنشا كۇش سالۋىمىز كەرەك. بۇل ماسەلەمەن جۇيەلى تۇردە اينالىساتىن بىزگە باق قىزمەتكەرلەرىنىڭ وداعىن قۇرۋ قاجەتتىلىگى تۋىپ وتىر»، دەپ اتاپ ءوتتى ونلاين كەزدەسۋدە.

سالالىق كاسىپوداق باسشىسى زەيىن الىپبەك قۇرىلىمنىڭ جوسپارى مەن الداعى باعىتتارى تۋرالى جان-جاقتى بايانداپ بەردى. «الدا جۋرناليستەردىڭ الەۋمەتتىك-قۇقىقتىق جاعدايىن جاقسارتۋدى كوزدەيتىن كوپتەگەن شارۋا، يگى باستامالار تۇر. اسىرەسە جۋرناليستەردىڭ شەبەرلىگىن شىڭداپ، كاسىبي وسۋىنە باعىتتالعان جانە قازاقستاندىق باق-تىڭ الەۋەتىن كۇشەيتۋگە ارنالعان ىلكىمدى جوبالار بار. ونى تەك قانا كاسىپوداق اتقارادى دەۋگە بولمايدى. ونىڭ بارلىعىنا سىزدەرمەن، قۇرمەتتى ارىپتەستەر، بىرلەسە وتىرىپ قانا قول جەتكىزە الامىز»، دەدى زەيىن الىپبەك.

كونفەرەنتسيا بارىسىندا باق باسشىلارى مەن جۋرناليستەر كاسىپوداقتىڭ قۇرىلۋىن دەر كەزىندە قولعا الىنعان باس­تاما دەپ باعالاپ، جۇيەلى جۇمىس ىستەپ، تابىستى ناتيجەلەرگە قول جەتكىزەدى دەگەن سەنىمىن ءبىلدىردى.

ايتا كەتۋ كەرەك، 2020 جىلعى 10 قاڭتارداعى جاعداي بويىنشا قازاقستاندا 3669 باق تىركەلگەن. بارلىعى 2964 مەرزىمدى باسىلىم، 161 تەلەارنا، 73 راديو، 471 اقپاراتتىق اگەنتتىك جانە جەلىلىك باسىلىم بار.

سوڭعى جاڭالىقتار

29 قازاندا سەنات وتىرىسى وتەدى

پارلامەنت • بۇگىن، 17:57

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

ۇقساس جاڭالىقتار