ءبىلىم جانە عىلىم ۆيتسە-مينيسترلەرىنىڭ جۇمىستان ءوز ەركىمەن كەتۋ جونىندەگى ارىزدارى ۇكىمەتتىڭ قاراۋىنا ەنگىزىلدى. بۇل تۋرالى ۇكىمەت وتىرىسىنان كەيىن جۋرناليستەرگە سۇحبات بەرگەن ءبىلىم جانە عىلىم ءمينيسترى اسلان ءسارىنجىپوۆ مالىمدەدىى.
«بۇگىندە ۆيتسە-مينيسترلەر جۇمىستان ءوز ەركىمەن كەتۋ جونىندەگى ارىزدارىن جازىپ تاپسىردى. وسىعان وراي ءبىز ءتيىستى قۇجاتتاردى ەنگىزدىك. ەندى ونى ۇكىمەت شەشەتىن بولادى. قازىرگى كەزدە مينيسترلىكتىڭ الدىندا ماڭىزدى مىندەتتەر تۇر. سونىڭ بارلىعىن ىسكە اسىرۋ ءۇشىن تىنىم تاپپاي جۇمىس ىستەۋ كەرەك. سوندىقتان ءبىز جۇمىس ىستەمەيتىن ادامدارمەن قوش ايتىساتىن بولامىز. ول ماسەلە مينيسترلىككە دە, جوعارى وقۋ ورىندارىنا دا, جالپى بارلىق ءبىلىم بەرۋ مەكەمەلەرىنە دە قاتىستى», - دەدى اسلان ءسارىنجىپوۆ.
ايتا كەتەيىك, بۇگىندە ءبىلىم جانە عىلىم ءمينيسترىنىڭ ەكى ورىنباسارى بار. ولار - مۇرات ورىنحانوۆ جانە مۇرات ابەنوۆ.
مۇرات ايتقوجا.
