بۇل يدەيانى جۇزەگە اسىرۋ ءۇشىن قازاقستاننىڭ ەكولوگيالىق ۇيىمدارىنىڭ قاۋىمداستىعى شىلدە ايىنىڭ باسىندا نۇر-سۇلتان اكىمدىگىنىڭ قولداۋىمەن ەلوردا تۇرعىندارى مەن قوناقتارى اراسىندا پوليەتيلەن پاكەتتەرىن جيناۋدى باستاعان ەدى. ءبىر كۇندە قالانىڭ ءۇش ساياباعىنان قازاقستاننىڭ ەكولوگيالىق ۇيىمدارى قاۋىمداستىعى اكىمدىكتىڭ قولداۋىمەن 4000-نان استام پاكەت جينادى. سونداي-اق Zeta دۇكەندەرىندە ورناتىلعان ەكوبوكستاردان تاعى 1500 پاكەت الىندى. شارا «Stopmusor» الەۋمەتتىك جوباسى اياسىندا ءوتتى.
– كارتينا ادامدار مەن ەلوردانىڭ بۇرىنعى اۋداندارىنىڭ ءبىرى تۋرالى سىر شەرتەدى. قازاق دالاسىنىڭ قالاعا قالاي اينالعانى جايلى. بۇل جۇمىس سايىن دالادان عانا كورۋگە بولاتىن شەكسىز ۇلكەن اسپان تۋرالى. قينالعان كەزدە ءۇمىت وتىن جاعاتىن كەڭىستىكتى كورسەتكىم كەلدى. ەكولوگيا الەۋمەتتىك پروبلەمالارمەن تىعىز بايلانىستا. ادامداردى كىنالاۋ وڭاي, بىراق مۇنىڭ ارتىندا ءاردايىم قالا سوعۋدىڭ شەشىلمەگەن ماسەلەلەرى تۇرادى, – دەيدى س.سۇلەيمەنوۆا.
شىعارماشىل جان وسى تۋىندى ارقىلى ازاماتتارعا ەكولوگيالىق ماسەلەلەر تۋرالى وي سالىپ, پلاستيكتەن تۇپكىلىكتى باس تارتۋعا ۇندەيدى.
سۋرەتتە استاناداعى جاعالاۋ اۋدانىنىڭ كەشەگى كۇنى بەينەلەنگەن. سۋرەتشى بۇل جەردى قالا مەن دالانىڭ شەكاراسى رەتىندە تاڭداپ العان. ول وسىعان دەيىن «بەرلين اسپانى» دەگەن تۋىندىسىن جاساعان بولاتىن. «مەن ءۇشىن اسپان – ءۇمىت پەن قولداۋ», دەيدى ءوزى.
بارشاعا ءمالىم, ساۋلە سۇلەيمەنوۆا ۇيدەگى «پاكەتتەگى پاكەت» ماسەلەلەرىن شەشۋ ماقساتىندا پوليەتيلەن پاكەتتەرىمەن جۇمىس ىستەيتىن ساناۋلى سۋرەتشىنىڭ ءبىرى. سوندىقتان دا ونىڭ قولىنان شىققان ونەر تۋىندىلارى ەلدىڭ ەسىندە قالىپ قويادى.
«قوقىس ءبىزدىڭ ءومىرىمىزدىڭ اجىراماس بولىگىنە اينالدى. مەن ءتۇرلى ءتۇستى انىق بەرۋ ءۇشىن ءارتۇرلى پوليەتيلەن پاكەتىن قولدانامىن. مەن بويامايمىن, سالمايمىن, پاكەتتەردى تەك ءتۇسى مەن رەڭىنە قاراي تاڭدايمىن, بارلىق ءتۇستى وسى پلاستيكالىق قوقىستان تابۋعا بولادى», دەيدى سۋرەتشى.
«StopMusor» جوباسى حالىقتىڭ ساۋاتتىلىعى مەن الەۋمەتتىك جاۋاپكەرشىلىگىن ارتتىرۋعا, سونداي-اق ازاماتتار اراسىندا تۇرمىستىق قالدىقتاردى كادەگە جاراتۋ مادەنيەتىن تاربيەلەۋگە باعىتتالعان.
كولەمى 5-تە 3 مەترلىك سۋرەت «جەتىسۋ» ساياباعىنداعى «شارىن شاتقالى» جارتاسىنىڭ الدىندا ورنالاسقان.
