بىرقاتار وڭىرلەر ەلىمىزدىڭ ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى مەن يندۋستريالاندىرۋ كارتاسى بويىنشا جۇمىستاردى السىرەتىپ جىبەردى. بۇل تۋرالى ۇكىمەت وتىرىسىندا يندۋستريا جانە جاڭا تەحنولوگيالار ءمينيسترى اسەت يسەكەشەۆ مالىمدەدى.
ءمينيستردىڭ اتاپ وتۋىنشە, اتالعان باعىتتاعى جۇمىستار ماڭعىستاۋ, سولتۇستىك قازاقستان, اقمولا, اتىراۋ وبلىستارىندا ناشار, ال قاراعاندى مەن وڭتۇستىك قازاقستان وبلىستارىندا بىرقاتار پروبلەمالى جوبالار بار.
«سەرىك نىعمەت ۇلى وسىعان بايلانىستى مەن اقمولا, اتىراۋ, سولۇستىك قازاقستان, قاراعاندى وبلىستارى اكىمدەردىڭ باعدارلاماعا جەتەكشىلىك ەتەتىن ورىنباسارلارىنا, سونىمەن قاتار ونەركاسىپ جانە كاسىپكەرلىك باسقارمالارىنىڭ باستىقتارىنا تارتىپتىك جازا شاراسىن قابىلداۋدى تاپسىردىم», - دەدى ول.
سونداي-اق ءا.يسەكەشەۆتىڭ سوزىنە قاراعاندا, «قازاۆياسپەكتر» جوباسى بويىنشا «قازاگرو» توراعاسىنىڭ ورىنباسارى ماتاجانوۆ, بالقاش سەس-ءىن جۇزەگە اسىرۋ بويىنشا «سامۇرىق-ەنەرگو» ۆيتسە-پرەزيدەنتى وسپانوۆ سوگىس الاتىن بولادى.
ساكەن مايلىباي.
