ءباسپاسوز ماجىلىسىندە باسقارما باسشىسى كارانتيندىك رەجيم كەزىندە قاشىقتان وقىتۋ بارىسىنا توقتالدى.
– قالاداعى بارلىق مەكتەپتەردە «Bilim Iand - Onlinemektep.org» ينتەرنەت پلاتفورماسىندا قاشىقتان وقىتۋ ۇيىمداستىرىلعان. سونىمەن قاتار, ولار قر بعم تاراپىنان ەندىرىلگەن «كۇندەلىك.كز» ەلەكتروندى جۋرنالدار اقپاراتتىق جۇيەسىندە جۇمىس جۇرگىزۋدە. ال مەكتەپكە دەيىنگى ۇيىمداردا اتا-انالاردىڭ قالاۋى بويىنشا بالالاردى كەزەكشى توپتارعا قابىلداۋ ۇيىمداستىرىلدى. بالا سانى 15-تەن اسپايدى. جالپى, بۇگىندە 2711 كەزەكشى توپتا 18 971 بالا تاربيەلەنۋدە, دەدى ج.تاجيەۆا.
جانات ارىسبەكقىزىنىڭ سوزىنە سۇيەنسەك, قالادا قاشىقتان ءبىلىم بەرۋ جاعدايىندا 222 050 وقۋشىنىڭ 80 780-ىندە (36,3%) كومپيۋتەرگە تاپشىلىق انىقتالعان. ونىڭ 42 907-ءى – الەۋمەتتىك كومەكتى قاجەت ەتەتىن وتباسى بالالارى. وسىعان وراي ءبىلىم ۇيىمدارىنداعى كومپيۋتەرلەردى ۋاقىتشا بەرۋ ارقىلى ءبىرىنشى كەزەكتە الەۋمەتتىك كومەكتى قاجەت ەتەتىن 20 150 وتباسىنىڭ 35 798 بالاسى كومپيۋتەرمەن قامتىلعان. الداعى ۋاقىتتا ساتىپ الىناتىن كومپيۋتەرلىك قۇرىلعىلار ەسەبىنەن 44 982 وقۋشى قامتىلادى. ونىڭ ىشىندە 7 109-ى – از قامتىلعان وتباسى بالالارى, ال ببۇدق سايكەس 37 873-ءى كومپيۋتەردى قاجەت ەتەتىن وتباسى بالالارىنا ۇلەستىرىلەدى.
بريفينگ بارىسىندا باسقارما باسشىسى ينتەرنەت جەلىسى ناشار ەلدىمەكەندەردىڭ ماسەلەسى شەشىلىپ جاتقانىن ايتتى. ودان بولەك, شىمكەنت قالاسىندا كەزەكشى سىنىپتارعا شاحمات ساباعى ەنگىزىلگەنىن جەتكىزدى. بۇل باستاما جونىندە پىكىر بىلدىرگەن جانات ارىسبەكقىزى باستى ماقسات بالانىڭ زياتكەرلىك دەڭگەيىن ءوسىرۋ, وي-ءورىسىن دامىتۋ ەكەنىن العا تارتتى.
ايتا كەتەيىك, بيىل شىمكەنت قالاسىندا جاڭا وقۋ جىلى 752 ءبىلىم بەرۋ مەكەمەلەردەگى 330 مىڭعا جۋىق ءبىلىم الۋشىلارمەن باستالدى.
