جاقىندا عانا نوبەل سىيلىعىنا يە بولعان يەمەندىك تاۆاككۋل كارمان اتتى بويجەتكەن جۇلدەسىن 2011 جىلى وسى ەلدە ورىن العان رەۆوليۋتسيادان زارداپ شەككەندەر مەن قازا تاپقانداردىڭ وتباسىلارىنا تاراتىپ بەردى. بۇل تۋرالى muslim.kz حابارلادى.
«مەن بۇل ءساتتى وزىمە ەڭ قۇندى نارسەنى ساداقا ەتۋ ءۇشىن كۇتتىم»,- دەپ جازىپتى تاۆاككۋل كارمەن ءوزىنىڭ «فەيسبۋك»-تەگى پاراقشاسىندا.
ول بارلىق قاراجاتتى سانانىڭ مادەني ورتالىعىندا «رەۆوليۋتسيا كەزىندە جاراقات العاندار مەن قازا تاپقانداردىڭ وتباسىنا كومەكتەسۋ قورىنا» تاپسىردى.
2011 جىلعى يەمەندەگى رەۆوليۋتسيانىڭ باسى-قاسىندا جۇرگەن كارمان العاشقى كۇندەرى-اق تۇتقىندالعان بولاتىن. ول جاستار قوزعالىسىنىڭ كورنەكتى تۇلعاسىنا اينالدى. قايسار بويجەتكەن ەلدى وتىز جىل بويى بيلەپ-توستەگەن سالەح وتباسىن بيلىكتەن كەتۋىن تالاپ ەتتى. ءوزىنىڭ وسى قايىرىمدىلىق شاراسىن ادىلدىك پەن ەركىندىك ءۇشىن قۇربان بولعان جاستار الدىنداعى بورىشىم دەپ بىلگەن قايسار قىزدىڭ بۇل ءىسىن ەرلىككە بالاعاندار دا بارشىلىق.
ساكەن مايلىباي.
