ايماقتار • 22 قىركۇيەك، 2020

قاراعاندى وبلىسىندا ۇرلانعان كولىك ورتەنىپ كەتتى

9 رەت كورسەتىلدى

قاراعاندى وبلىسىندا ۇرلانعان كولىك ورتەنىپ كەتتى، دەپ حابارلايدى Egemen.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

پوليتسياعا اۋىلدان شىعا بەرىستە قاتتى جىلدامدىقپەن جۇرگەن كولىك اۋدارىلىپ، ورتەنىپ كەتكەنى تۋرالى حابارلاما تۇسكەن.

20 قىركۇيەك كۇنى قاراعاندى وبلىسى بۇقار جىراۋ اۋداندىق پوليتسيا باسقارماسىنا  قاراعاندى قالاسىنىڭ 47 جاستاعى تۇرعىنى حابارلاسىپ، اۋدان ورتالىعىنا تۋىسىنىڭ ۇيىنە كەلگەندە تۇنگى ساعات 1:00 شاماسىندا بەلگىسىز بىرەۋ اۋلادا تۇرعان اۆتوكولىگىن ايداپ اكەتكەنىن جەتكىزگەن.

"ارادا ءبىرشاما ۋاقىت وتكەندە پوليتسياعا اۋىلدان شىعابەرىستە قاتتى جىلدامدىقپەن جۇرگەن كولىكتىڭ اۋدارىلىپ، ورتەنىپ كەتكەنى تۋرالى حابارلاما تۇسكەن. وقيعا ورنىنا كەلگەن پوليتسيا قىزمەتكەرلەرى ورتەنگەن ۇرلانعان كولىك ەكەنىن انىقتادى. كۋاگەرلەر كولىك اۋدارىلعاندا ونىڭ ىشىنەن بەلگىسىز ازامات شىعىپ، وقيعا ورنىنان ءىزىن سۋىتقانىن ايتقان"، دەلىنگەن حابارلامادا.

اۆتوكولىكتىڭ قاتتى ورتەنگەنى سونشالىقتى، قايتا جوندەۋگە جارامسىز بولعان. جابىرلەنۋشىگە كەلتىرىلگەن شىعىن كولەمى ءۇش ميلليون تەڭگەدەن اسقان.

جەدەل ىزدەستىرۋ ءىس-شارالارى بارىسىندا پوليتسيا قىزمەتكەرلەرى اتالعان ىسكە قاتىسى بار دەگەن كۇدىكپەن 28 جاستاعى ەر ادامدى ۇستاپ، وعان قاتىستى قازاقستان قىلمىستىق كودەكسىنىڭ 200-بابىنا سايكەس قىلمىستىق ءىس قوزعادى. قازىرگى ۋاقىتتا تەرگەۋ امالدارى جۇرگىزىلىپ جاتىر.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار