وسى شارا كەزىندە قازالى قالاسىنداعى ءبىر وتباسىنىڭ باسپاناسىن كورگەن مارحابات پەن مەرەي «قالايدا مىنا كىسىگە ءۇي سالىپ بەرۋ كەرەك» دەگەن ۇيعارىمعا كەلىپ, الەۋمەتتىك جەلىدە قاتارلاستارىنا وي تاستايدى. قاتتى ءبىر نوسەر جاۋسا, قۇلاپ قالارداي جاعدايدا تۇرعان باسپانانى پانالاپ, ءتورت بالاسىن جالعىز ءوزى اسىراپ وتىرعان اكەنىڭ جاعدايىنا قانىققان جاستار بۇل باستامانى قولداپ, كاسىپكەر جىگىتتەر اقشالاي دا, قۇرىلىس جابدىقتارىمەن دە قامتاماسىز ەتتى.
– ءبىرىنشى مامىر كۇنى جاڭا ءۇيدىڭ ىرگەتاسىن قۇيدىق. قازالى قالاسىنداعى دانيار ەرعابىلوۆ باستاعان جاس جىگىتتەر بىردەن بىرىگىپ, اسارلاتىپ اكەتتى. كىرپىشىن قالاۋ, توبەسىن جابۋ, ارلەۋ سياقتى جۇمىستار رەتىمەن شەشىلىپ جاتتى, – دەيدى قاتارلارىن قايىرىمدىلىققا ۇندەگەن قىزدار.
كاسىبى توقتاپ تۇرعانىمەن دە ءبىراز ىسكەر ازامات بۇل ىسكە ۇلەس قوسىپتى. قاجەتتى كىرپىشتى نۇرتاي امانوۆ ءتۇسىرىپ بەرسە, شاتىرعا قاجەتتى قاڭىلتىردى دانيار بالماحانوۆ اتتى ازامات اپەرگەن. ءۇي يەسىنىڭ كوللەدجدە وقيتىن ۇلىنىڭ دوستارى مەن ۇستازدارى دا ەدەنگە قاجەتتى اعاش اپەرىپ, قايىرىمدىلىق تانىتۋدان قالىس قالماپتى.
مارحابات پەن مەرەي باستاعان ءىس ەرىكتى جاستاردىڭ ارقاسىندا جاقىندا ءبىتتى. ءۇي اينالاسىن وسى قازالى قالاسىنىڭ جىگىتتەرى قورشاپ, قاقپاسىن دا ورناتىپ بەرىپتى.
كەز كەلگەن ماسەلەنىڭ دەرەۋ شەشىلۋىنە الەۋمەتتىك جەلىنىڭ دە كومەگى كوپ بولىپ تۇرعانىن ايتا كەتەيىك. مىسالى, ىندەت ورشىگەن تۇستا جەلى ارقىلى اۋدان تۇرعىندارىنا ۇندەۋ تاستالىپ, قازالىلىقتار از ۋاقىتتا وتتەگى كونتسەنتراتورلارىن الۋ ءۇشىن قوماقتى قارجى جيناپ ۇلگەردى. جينالعان قاراجاتقا 6 اپپارات, قورعانىش كوستيۋمدەرى مەن بەتپەردەلەر الىنىپ, اۋرۋحانالارعا بەرىلدى.
جاقىنىنا جاناشىرلىق تانىتاتىن شارالاردان جەكەلەگەن ازاماتتار دا شەت قالعان جوق. وسى اۋدانداعى كاۋكەي اۋىلىنىڭ تۋماسى, بەلگىلى كاسىپكەر باقىتبەك كاتەن جەرلەستەرىنە 14 وتتەگى كونتسەنتراتورىن الىپ بەردى. ونىڭ 10-ى اۋداندىق اۋرۋحاناعا, تورتەۋى كاۋكەي اۋىلىنداعى ەمحاناعا تابىستالدى.
قىزىلوردا
