05 قاراشا، 2013

«شابىت» كەلدى شاڭقىلداپ شاعالاداي

192 رەت كورسەتىلدى

logo-شابىتاستاناداعى بەيبىتشىلىك جانە كەلىسىم سارايىندا شىعارماشىل جاستاردىڭ حالىقارالىق XVI «شابىت» فەستيۆالى سالتاناتتى جاعدايدا اشىلدى.

logo-شابىتاستاناداعى بەيبىتشىلىك جانە كەلىسىم سارايىندا شىعارماشىل جاستاردىڭ حالىقارالىق XVI «شابىت» فەستيۆالى سالتاناتتى جاعدايدا اشىلدى.

مىنە، بيىل ول ون التىنشى مارتە ونەرلى جاستاردىڭ شىعارماشىلىعىن شىڭدايتىن جارىس الاڭىنا اينالىپ وتىر.

الدىڭعى جىلى 8 اتالىم بويىنشا «شابىتتىڭ» شىڭىنا شىعىپ، گران-پري يەلەنگەن ايگەرىم بەكەتاەۆا، تولقىن تۇرىسبەكوۆ، راحات جاقسىباي، ولجاس قۇرمانبەك جانە پرەزيدەنتتىك كۋبوك يەگەرى مۇحتار وسەلباەۆ ءوز لەبىزدەرىن ءبىلدىردى.

اتالمىش فەستيۆالدىڭ اشىلۋىنا وراي استانا قالاسىنىڭ اكىمى ي.تاسماعامبەتوۆتىڭ قۇتتىقتاۋ ءسوزىن استانا قالاسى مادەنيەت باسقارماسىنىڭ باسشىسى بولات ماجاعۇلوۆ جەتكىزدى. «ونەر جولى قاشان دا كۇردەلى، تابيعي تالانتتى، تىنباس ەڭبەكتى، تۋما دارىندى تالاپ ەتەدى. بۇل رەتتە، ءبىزدىڭ رۋحانياتىمىزدىڭ ولشەمى مەن ورەسى، ەڭ الدىمەن، ونەگەسى مول، تالانتتى دا تالاپتى شىعارماشىل جاستارعا بايلانىستى. بۇگىنگى فەستيۆال استانانىڭ ەڭ العاش ارقا جەرىنە قازىعىن بەكىتىپ، ەلوردالىق مارتەبەسىن العان 1997 جىلدان باستاپ، جىل سايىن جاس تالانتتاردىڭ تالابىن شىڭداپ، ارمانىنا قانات بايلاپ كەلەدى. بۇگىندە تالاي جاستاردىڭ ەسىمىن ەلگە تانىتۋدا بۇل بايقاۋ­­دىڭ اتقارار ءرولى وراسان زور دەپ ايتۋعا بولادى»، – دەلىنگەن ونەر مەرەكەسىنە قاتىسۋشىلارعا ارنالعان بۇل قۇتتىقتاۋدا.

سالتاناتتى جيىندا «شابىت» فەستيۆالىنىڭ 2010 جىلعى گران-پري يەگەرى ءجاميلا جارقىنباەۆا، «استانا سيتي بالەت» مودەرن-بالەت مەكتەبىنىڭ بيشىلەرى جانە مۋزىكانت رۋمي، «استانا-وپەرا» تەاترىنىڭ سوليستەرى ايگەرىم بەكەتاەۆا مەن تايىر عاتاۋوۆ جانە قازاق ۇلتتىق ونەر ۋنيۆەرسيتەتىنىڭ ستۋدەنتتەرى ءوز ونەرلەرىن ورتاعا سالدى.

بيىلعى بايقاۋعا ەلىمىزدىڭ تۇكپىر-تۇكپىرىنەن كەلگەن جاستارمەن قاتار ماسكەۋ، ۋفا، قازان، تاشكەنت، بىشكەك، سامارا، باكۋ جانە ۆارنا (بولگاريا) قالالارىنان دا ونەرلى جاستار قاتىسۋدا ەكەن. بارلىعى 200-دەن اسا جاس ونەرپاز «كلاسسيكالىق مۋزىكا»، «بەينەلەۋ ونە­رى»، «حالىق مۋزىكاسى»، «ەسترادالىق ۆوكال»، «ۇزدىك ادەبي شىعارما»، «حورەوگرافيا» اتالىمدارىندا باق سىناسادى. ال، وسى اتالىمدار بويىنشا قاتىسۋشىلاردىڭ ونەرىن باعالايتىن قازىلار القاسىنىڭ قۇرامىندا كسرو حالىق ءارتىسى، ت.جۇرگەنوۆ اتىن­داعى ونەر اكادەمياسىنىڭ پروفەسسورى رامازان باپوۆ، قولونەرشىلەر وداعىنىڭ ءتور­ايىمى، سۋرەتشىلەر وداعىنىڭ جانە WCC – Europe مۇشەسى ايجان بەكقۇلوۆا، جازۋشى، قازاقستاننىڭ ەڭبەك سىڭىرگەن قايراتكەرى اكىم تارازي، «دون ميلاني» ينستيتۋتىنىڭ پرو­فەسسورى، ديريجەر پاۋلو بيونكالانو (يتا­ليا)، رەسەي فەدەراتسياسىنىڭ ەڭبەك ءسىڭىر­گەن ءارتىسى، پ.چايكوۆسكي اتىنداعى ماسكەۋ كون­سەر­ۆاتورياسىنىڭ پروفەسسورى ۆلاديمير شيش (رەسەي)، ۋكراينانىڭ ەڭبەك سىڭىرگەن ونەر قاي­راتكەرى، ۋكراينا مۋزىكا اكادەمياسىنىڭ پرو­فەسسورى اناتولي سەمەشكو (ۋكراينا) جانە سارىارقا ۇلتتىق اسپاپتار ءانسامبلىنىڭ كور­كەم­دىك جەتەكشىسى نۇرلان حامزين بار.

قاراشانىڭ 3-ءى كۇنى اشىلعان شارا 8-ىندە ءوز مارەسىنە جەتەدى. بايقاۋعا قاتىسۋشىلارعا ديپلومانت اتاعى جانە ءاربىر اتالىم بويىنشا اتاۋلى ديپلومدار تاپسىرىلادى. ال، جابىلۋ سالتاناتىندا بولاتىن گالا-كونتسەرتتە گران-پري يەلەرى انىقتالىپ، باس جۇلدە – قازاقستان رەسپۋبليكاسى پرەزيدەنتىنىڭ كۋبوگى تابىستالادى.

نۇرزادا كۇمىسبەك،

ەۋرازيا ۇلتتىق ۋنيۆەرسيتەتىنىڭ ستۋدەنتى.

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار