05 قاراشا، 2013

«اقتوبە» تاعى توپ جاردى

142 رەت كورسەتىلدى

وتكەن سەنبىدە فۋتبولدان قازاقستان پرەمەر-ليگاسىنىڭ چەمپيوناتى ءوزىنىڭ مارەسىنە جەتتى. سوڭعى 32-تۋردا ءوز الاڭىندا شىمكەنتتىڭ «ورداباسى» كومانداسىن قابىلداپ، 2:2 ەسەبىمەن تەڭ ويناعان «اقتوبە» فۋتبول كلۋبى بيىلعى ماۋسىمنىڭ ۇزدىگى اتاندى. ال ورالدىڭ «اقجايىق» كومانداسى ءوز الاڭىندا «اتىراۋدى» 3:0 ەتىپ ۇتقانىنا قاراماستان، ءبىرىنشى ليگاعا ءتۇسىپ قالدى. ونىڭ پرەمر-ليگاداعى ورنىن ءبىرىنشى ليگادا الدىنا جان سالماعان قىزىلوردانىڭ «قايسارى» باس­تى. سول سياقتى، ءبىرىنشى ليگادا ەكىنشى بەلەستى باعىندىرعان سەمەيدىڭ «سپارتاگى» جوعارى ەليتادان ورىن الۋ ءۇشىن الدىڭعى كوشتىڭ كومبەسىنە 11-ءشى بولىپ كەلگەن وسكەمەننىڭ «ۆوستوگىمەن» جالعىز ۆاكانسيا ءۇشىن كۇش سىناساتىن بولدى.

 

وتكەن سەنبىدە فۋتبولدان قازاقستان پرەمەر-ليگاسىنىڭ چەمپيوناتى ءوزىنىڭ مارەسىنە جەتتى. سوڭعى 32-تۋردا ءوز الاڭىندا شىمكەنتتىڭ «ورداباسى» كومانداسىن قابىلداپ، 2:2 ەسەبىمەن تەڭ ويناعان «اقتوبە» فۋتبول كلۋبى بيىلعى ماۋسىمنىڭ ۇزدىگى اتاندى. ال ورالدىڭ «اقجايىق» كومانداسى ءوز الاڭىندا «اتىراۋدى» 3:0 ەتىپ ۇتقانىنا قاراماستان، ءبىرىنشى ليگاعا ءتۇسىپ قالدى. ونىڭ پرەمر-ليگاداعى ورنىن ءبىرىنشى ليگادا الدىنا جان سالماعان قىزىلوردانىڭ «قايسارى» باس­تى. سول سياقتى، ءبىرىنشى ليگادا ەكىنشى بەلەستى باعىندىرعان سەمەيدىڭ «سپارتاگى» جوعارى ەليتادان ورىن الۋ ءۇشىن الدىڭعى كوشتىڭ كومبەسىنە 11-ءشى بولىپ كەلگەن وسكەمەننىڭ «ۆوستوگىمەن» جالعىز ۆاكانسيا ءۇشىن كۇش سىناساتىن بولدى.

چەمپيوناتتىڭ كۇمىس جۇلدە­سى «استانا» كومانداسىنا بۇي­ىر­دى. ەلوردا كلۋبى سوڭعى تۋر­دا قاراعاندىدا جەرگىلىكتى «شاح­تەرگە» قارسى وينادى. ەسەپ 4:1 بولىپ، «استانانىڭ» پايداسىنا شەشىلدى.

سودان كەيىنگى ماڭىزدى ماتچ پاۆلوداردا جەرگىلىكتى «ەرتىس» پەن الماتىنىڭ «قايراتى» اراسىندا وينالدى. مۇندا ەڭ سوڭعى مينۋتتارعا دەيىن كىمنىڭ باعى جاناتىنى بەلگىسىز بولىپ تۇردى. ال چەمپيوناتتىڭ قولا مەدالىن جەڭىپ الۋدىڭ ادەمى ورايى كەلىپ تۇرعان الماتىلىقتار ءۇشىن بۇل كەزدەسۋدە جەڭىسكە جەتۋ اۋاداي كەرەك ەدى. ولار اقىرىندا 3:2 ەسەبىمەن باسىم ءتۇستى. كوپ جىلداردان بەرى وسىلاي چەمپيوناتتىڭ قولا مەدالىن جەڭىپ الۋ «قايراتتىڭ» مىڭداعان جانكۇيەرلەرىن ۇلكەن قۋانىشقا بولەدى.

بۇل كۇنى تارازدا وتكەن «تا­راز» – «ۆوستوك» ماتچى 1:1 بولىپ تەڭ اياقتالدى. وسى تەڭ ويىن وسكە­مەندىكتەرگە وتپەلى ويىن وي­ناۋ مۇمكىندىگىن الىپ بەردى. ال تالدىقورعاندا «جەتىسۋ» قوس­­تا­­نايدىڭ «توبىلىن» 1:0 ەتىپ ۇتتى.

وسىمەن كەزەكتى چەمپيونات اياقتالدى.

PS. ماتەريالدىڭ تولىق نۇسقا­­­سىن گازەت سايتىنان (news.egemen.kz) وقي الاسىزدار.

دامير قوجامقۇل.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار