7 اۋدان مەن بىرنەشە ەلدى مەكەندەردەن قۇس ونىمدەرىن ەكسپورتتاۋعا تىيىم سالىنىپ, شەكتەۋ شارالارى ەنگىزىلدى.
اتالعان ءوڭىردىڭ 30-عا تارتا ەلدى مەكەنىندە ءۇي قۇستارى قىرىلىپ قالعان. تەك قانا بەسول قۇس فابريكاسىندا شىعىنعا ۇشىراعان قۇس سانى 41 مىڭنان اسىپ كەتكەن.
"19-21 قىركۇيەك ارالىعىندا "بەسكول" قۇس فابريكاسىندا 41 مىڭعا تارتا قۇس قىرىلدى. اقمولا وبلىسى تۋرالى ايتار بولساق, 5 اۋداننىڭ 9 اۋىلىندا قۇستىڭ قىرىلۋ فاكتىسى تىركەلدى. جالپى 286 قۇس ءولدى. تيىسىنشە 19 قىركۇيەكتەن باستاپ اقمولا وبلىسىنىڭ جارقايىڭ اۋىلدىق وكرۋگىنەن قۇس ونىمدەرىن سىرتقا شىعارۋعا ۋاقىتشا تىيىم سالىندى. ودان بولەك, قوستاناي وبلىسىنىڭ 6 اۋدانىندا وسىنداي جاعداي تىركەلىپ, ول جاقتاردا 505 قۇس قىرىلدى", دەدى قر اۋىل شارۋاشىلىعى ۆيتسە-ءمينيسترى گۇلميرا يساەۆا.
ايتا كەتەيىك, سولتۇستىك قازاقستاندا تىركەلگەن قۇس تۇماۋى ادامدارعا قاۋىپتى ەمەس.
