قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى بۋرابايداعى «الەم» قوناق ۇيىندە قازاقستان رەسپۋبليكاسىنداعى تىلدەردى دامىتۋ مەن قولداۋدىڭ 2011-2020 جىلدارعا ارنالعان باعدارلاماسى جانە «تىلدەردىڭ ۇشتۇعىرلىعى» مادەني جوباسى اياسىندا ءۇش ءتىلدى جەتىك مەڭگەرگەن جاستار اراسىندا «ءتىلدارىن-2013» رەسپۋبليكالىق وليمپياداسىن وتكىزدى.
قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى بۋرابايداعى «الەم» قوناق ۇيىندە قازاقستان رەسپۋبليكاسىنداعى تىلدەردى دامىتۋ مەن قولداۋدىڭ 2011-2020 جىلدارعا ارنالعان باعدارلاماسى جانە «تىلدەردىڭ ۇشتۇعىرلىعى» مادەني جوباسى اياسىندا ءۇش ءتىلدى جەتىك مەڭگەرگەن جاستار اراسىندا «ءتىلدارىن-2013» رەسپۋبليكالىق وليمپياداسىن وتكىزدى.
ەكى كۇنگە سوزىلعان شارانىڭ نەگىزگى ماقساتى: قازاق, ورىس جانە اعىلشىن تىلدەرىن جەتىك مەڭگەرگەن قابىلەتتى جاستاردى انىقتاۋ جانە قولداۋ, تىلدىك-قارىم-قاتىناس مادەنيەتىن قالىپتاستىرىپ, كوپتىلدى مەڭگەرگەن تۇلعانى ءتاربيەلەۋ, قازاقستاندىق پاتريوتيزمدى نىعايتۋ, وزگە حالىقتاردىڭ مادەنيەتى مەن ءتىلىن قۇرمەتتەۋ بولىپ تابىلادى.
تالاپكەرلەردىڭ ءبىلىمى مەن قارىم-قۋاتىن قۇرامىندا قر مادەنيەت جانە اقپارات مينيسترلىگى ءتىل كوميتەتىنىڭ باسقارما باسشىسى گۇلبادان ءتاۋەلقىزى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ شەت تىلدەر تەورياسى مەن ءتاجىريبەسى كافەدراسىنىڭ مەڭگەرۋشىسى, پەداگوگيكا عىلىمدارىنىڭ كانديداتى, دوتسەنت د.بايدراحمانوۆ, اتالعان ءبىلىم ورداسىنىڭ جالپى ءتىل ءبىلىمى جانە اۋدارما كافەدراسىنىڭ دوتسەنتى, فيلولوگيا عىلىمدارىنىڭ دوكتورى م.امالبەكوۆا, «كوكشە» اكادەمياسى گۋمانيتارلىق-پەداگوگيكالىق دەپارتامەنتىنىڭ ديرەكتورى, فيلولوگيا عىلىمدارىنىڭ دوكتورى ق.مولعاجداروۆ, ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ بولون ۇدەرىسى مەن اكادەميالىق ۇتقىرلىق ءبولىمىنىڭ جەتەكشىسى, دوتسەنت ج.ساعىندىقوۆا, اقمولا وبلىستىق تىلدەردى دامىتۋ باسقارماسىنىڭ باسشىسى ع.تولەعۇل بار قازىلار القاسى ساراپقا سالدى.
بايقاۋ قورىتىندىسىندا الماتى قالاسىنان كەلگەن اسەم قاشقىنبەكوۆا ۇزدىك دەپ تانىلدى. اتىراۋ وبلىسىنىڭ وكىلى جاسۇلان ساميعوللا ۇلىنا ءبىرىنشى ورىن بۇيىردى. جۇلدەلى ءىى جانە ءىىى ورىنداردى استانالىق اراي يبراگيموۆا مەن قىزىلوردالىق ۇلبوسىن مۇحامەدوۆا ەنشىلەدى. وليمپياداعا قاتىسۋشىلاردىڭ بارلىعىنا ىنتالاندىرۋ سىيلىقتارى مەن ارنايى ديپلومدار تاپسىرىلدى.
باقبەرگەن امالبەك,
«ەگەمەن قازاقستان».
اقمولا وبلىسى,
بۋراباي اۋدانى.
