ازاماتشا ءوزىنىڭ فارحات ەسىمدى تانىسىنا "Oررو" ۇيالى تەلەفونى جوعالتىپ العانىن اڭگىمەلەپ بەرگەن. تانىسى ءوزىنىڭ پوليتسيا قىزمەتكەرى ەكەنىن ايتىپ, از ۋاقىت ىشىندە جوعالعان ۇيالى تەلەفوندى تابۋعا ۋادە ەتكەن. تەك بۇل قىزمەت ءتۇرىن جالعان پوليتسەي 7 مىڭ تەڭگەگە باعالاعان. سەنگەن ايەل سۇراعانىن قولىنا ۇستاتقان. اقىسىن العان تانىس جىگىت ايەل ادامنىڭ تەلەفون قوڭىراۋىنا جاۋاپ بەرمەگەن, كەزدەسۋلەردەن قاشقاقتاعان.
- جەدەل-ىزدەستىرۋ شارالارى كەزىندە پوليتسيا قىزمەتكەرلەرى كۇدىكتى رەتىندە بۇرىن سوتتالعان, جۇمىس ىستەمەيتىن 23-جاسار قالا تۇرعىنىن ۇستادى. جاۋاپ الۋ كەزىندە ول كىناسىن تولىقتاي مويىنداپ, اقشانى ءوز قاجەتتىلىگىنە جۇمساعانىن تۇسىندىرگەن, - دەپ اتاپ ءوتتى شىعىس قازاقستان وبلىستىق پوليتسيا دەپارتامەنتىنىڭ باستىعى ساعات ماديەۆ.
تەرگەۋ كەزىندە انىقتالعانداي, كۇدىكتى ەر ادام قۇقىق قورعاۋ ورگاندارىنا ەشقانداي قاتىسى جوق بولىپ شىققان. قازىرگى ۋاقىتتا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 1-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.
شىعىس قازاقستان وبلىسى
