تاعايىنداۋ • 21 قىركۇيەك، 2020

ماقسات قيقىموۆ الماتى قالاسى اكىمىنىڭ ورىنباسارى بولىپ تاعايىندالدى

54 رەت كورسەتىلدى

ماقسات قيقىموۆ الماتى قالاسى اكىمىنىڭ ورىنباسارى بولىپ تاعايىندالدى، دەپ حابارلايدى Egemen.kz

ماقسات قيقىموۆ 1986 جىلى دۇنيەگە كەلگەن. بانك ءىسى اكادەمياسى كوللەدجىنىڭ، الماتى ەكونوميكا جانە ستاتيستيكا اكادەمياسىنىڭ جانە "تۇران" ۋنيۆەرسيتەتىنىڭ تۇلەگى.

قارجى، مۇناي سالالارىندا جانە مەملەكەتتىك قىزمەتتە 15 جىلدان استام جالپى ەڭبەك ءوتىلى بار. قىزمەت جولىن 2005 جىلى "اليانس بانك" اق الماتى قالاسىنداعى فيليالىنىڭ بۋحگالتەرلىك ەسەپ جانە ەسەپ ءبولىمىنىڭ مامانى رەتىندە باستاعان.

2006 جىلدان 2012 جىلدارى ارالىعىندا "اليانس بانك" اق الماتى قالاسىنداعى فيليالىندا باس مامان، باس بۋحگالتەردىڭ ورىنباسارى، باس بۋحگالتەر، بەك-ءوفيستىڭ باسقارۋشىسى، "استانا - فينانس" بانكى اق الماتى فيليالىنىڭ باس بۋحگالتەرى، "ترانسەرۆيس-ميللەنيۋم" جشس قارجى ديرەكتورى، ءادىسناما باسقارماسىنىڭ باستىعى، ءادىسناما جانە اۆتوماتتاندىرۋ مەن بيزنەس-پروتسەستەر باسقارماسىنىڭ باستىعى، "كرەديت التىن بانك" اق باس بۋحگالتەر-باسقارما مۇشەسى، "Bank RBK" اق بانكتىك تەحنولوگيالار دەپارتامەنتى ديرەكتورىنىڭ ورىنباسارى بولدى. 2012-2015 جىلدارى الماتى قالاسى قارجى باسقارماسى باسشىسىنىڭ ورىنباسارى قىزمەتىن اتقاردى.

2015 جىلدىڭ شىلدەسىنەن 2017 جىلدىڭ قىركۇيەگىنە دەيىن الماتى قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قىزمەتىن اتقاردى.

2017 جىلدىڭ قىركۇيەگىنەن 2018 جىلدىڭ شىلدەسىنە دەيىن الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى بولدى. 2018 جىلدىڭ شىلدەسىنەن 2019 جىلدىڭ شىلدەسىنە دەيىن الماتى قالاسى تۋريزم باسقارماسىنىڭ باسشىسى بولدى.

2019 جىلدىڭ شىلدە ايىنان باستاپ الماتى قالاسى جەتىسۋ اۋدانىنىڭ اكىمى قىزمەتىن اتقاردى.

ايتا كەتەيىك، الماتى اكىمىنىڭ ورىنباسارى ساپاربەك تۇياقباەۆ قىزمەتىنەن كەتتى.

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار