الماتىدا باستاپقى مەديتسينالىق-سانيتارلىق كومەك كورسەتۋ (بمسك) دەڭگەيىندە بارلىعى 74 مەديتسينالىق ۇيىم, 39 مەملەكەتتىك ەمحانا جانە 35 جەكە مەنشىك ەمحانا جۇمىس ىستەيدى. بمسك ەمدەۋ ورتالىقتارىندا 9 914 مەديتسينالىق قىزمەتكەر, ونىڭ ىشىندە 2 712 دارىگەر بار. قازىرگى تاڭدا بمسك ۇيىمدارىنا تىركەلگەندەر سانى 2 ملن-نان اسادى.
الماتى قالالىق قوعامدىق دەنساۋلىق باسقارماسى مينيسترگە ەمحانالاردىڭ جۇمىسى ءموبيلدى بريگادالارمەن كۇشەيتىلگەنىن مالىمدەدى. ءموبيلدى بريگادالاردىڭ سانى 5 ەسەگە ارتتى جانە 409 بريگادانى قۇرايدى. بۇل دەگەنىمىز – 925 مەديتسينالىق قىزمەتكەر. امبۋلاتوريالىق دەڭگەيدە 270 مىڭنان اسا ناۋقاس قۇنى 11 ملرد تەڭگەدەن اساتىن 1 ملن-عا جۋىق ءدارى-دارمەكپەن قامتاماسىز ەتىلدى.
سونىمەن قاتار COVID-19 ىندەتىمەن اۋىرعانداردى ەمدەۋدە بمسك ۇيىمدارىنا قولداۋ كورسەتۋ ءۇشىن ناۋقاستاردى مونيتورينگىلەۋ ورتالىعى قۇرىلدى. بۇل ورتالىقتىڭ ماقساتى – ۇيدەگى تاۋەكەل توبىنداعى ناۋقاستاردى, ەگدە جاستاعى ادامدار مەن قاتار جۇرەتىن اۋرۋلارمەن اۋىراتىن ناۋقاستاردى باقىلاۋ. سوڭعى ايدا ورتالىقتا 2 مىڭنان اسا ناۋقاسقا كومەك كورسەتىلگەن.
ء«بىز بمسك ۇيىمدارىنىڭ دايىندىعىنا ۇلكەن ءمان بەرىپ وتىرمىز. بۇگىندە قالالىق ەمحانالار COVID-19 ىندەتىنىڭ جاڭا تولقىنىنا بارىنشا دايىن. جۇمىس ۆيرۋس جۇقتىرعان پاتسيەنتتەرگە دە, سونداي-اق تەست ناتيجەسىندە ۆيرۋس انىقتالماعان پاتسيەنتتەرگە دە لايىقتى كوڭىل بولۋگە باعىتتالعان. قالادا جوسپارلى ەمدەۋگە جاتقىزۋ توقتاپ قالعان جوق, بارلىق مەديتسينالىق ۇيىم جۇمىس ىستەپ تۇر», دەدى الماتى قالالىق قوعامدىق دەنساۋلىق باسقارماسىنىڭ باسشىسى كامالجان نادىروۆ.
ەپيدەميا باستالعالى بەرى ەمحانالارلاردا قاتاڭ كارانتين كەزەڭىندە ونلاين-كونسۋلتاتسيالار سانى 80%-عا ارتتى.
«بۇگىندە ەمحانالاردىڭ call-ورتالىعىنىڭ قىزمەتتەرىنە 220-دان اسا ديسپەتچەر تارتىلعان. بۇل – تەلەمەديتسينا ارقىلى ناۋقاستىڭ دارىگەرمەن بايلانىسىن قاشىقتاعى فورماتقا كوشىرگەنىمىزدىڭ جاقسى كورسەتكىشى. وسىلايشا ناۋقاستار وزدەرىنىڭ ۋچاسكەلىك دارىگەرلەرىنىڭ باقىلاۋىندا تۇر. ونلاين-كونسۋلتاتسيالار دارىگەرلەردىڭ تۇراقتى جۇمىس رەجىمىنىڭ ءبىر بولىگى بولدى. مەنىڭشە, بۇل كەڭىنەن قولدانىلادى جانە پوستكوۆيدتىق كەزەڭدە دە ناۋقاستاردىڭ بەلگىلى ءبىر ساناتىنا قاشىقتان كەڭەس الۋعا بولاتىن قالىپتى جاعدايعا اينالادى. بۇل ناۋقاستىڭ ينفەكتسيا قاۋپىن ازايتىپ قانا قويماي, دارىگەردىڭ دە رەسۋرستارى مەن ۋاقىتىن ۇنەمدەيدى», دەيدى باسقارما باسشىسى.
دەنساۋلىق ساقتاۋ ءمينيسترى الماتى قالاسىنا جۇمىس ساپارى اياسىندا الماتىداعى №17 قالالىق ەمحانادا بولدى. وسىناۋ زاماناۋي كوپبەيىندى ەمحانا 2010 جىلى اشىلعان. مەديتسينالىق مەكەمە اۋىسىمىنا 630 ادامدى قابىلداي الادى جانە مەديتسينالىق قىزمەتتەردىڭ كەڭ سپەكترىنە باعىتتالعان. بۇل ەمحانادا 85 مىڭنان اسا ازامات تىركەلگەن. الماتى قالاسى قوعامدىق دەنساۋلىق باسقارماسىنىڭ جول كارتاسىنىڭ تاپسىرمالارىن ورىنداۋ ءۇشىن ەمحاناعا ونكولوگيالىق, فتيزياتريالىق, ناركولوگيالىق جانە پسيحياتريالىق قىزمەتتەرى بىرىكتىرىلگەن.
اتالمىش ەمحانانىڭ ەرەكشەلىگى – يننوۆاتسيالىق تەحنولوگيالار ۇزدىكسىز ەنگىزىلۋدە. 2011 جىلى №17 قالالىق ەمحانا قازاقستاندا ءبىرىنشى بولىپ دارىگەرلەردىڭ قابىلداۋىنا الدىن الا جازىلا وتىرىپ, «كەزەكسىز ەمحانا» جۇمىس رەجىمىنە كوشتى. ەمحانانىڭ قاباتتارىندا كەزەكتى باسقارۋدىڭ جانە ناۋقاستاردى دارىگەرلەر جۇمىس كەستەسىن حابارلايتىن ەلەكتروندىق جۇيەلەر, online رەجىمىندە مەملەكەتتىك قىزمەتتەردى الۋدى جەڭىلدەتۋ ءۇشىن ناۆيگاتسيالىق جۇيەلەر مەن كارتريدەرلەر ورنالاستىرىلعان. وندا ءاربىر ادام e-gov پورتالى ارقىلى مەملەكەتتىك قىزمەتتەردى الۋ تەحنيكاسىن ۇيرەنەدى. سونداي-اق ەمحانادا مۇمكىندىگى شەكتەۋلى جاندارعا ارنالعان جاڭا جاعدايلار ۇنەمى جاڭارتىلىپ, ەنگىزىلۋدە.
مەديتسينالىق مەكەمە تازا جانە لاس ايماقتارعا بولىنگەن, سۇزگىلەر مەن باقىلاۋ بەكەتتەرى ورناتىلعان. ناۋقاستار اعىنىن ساناتقا قاراي ءبولۋدىڭ ماقساتى – ۆيرۋستىڭ ىشكى تارالۋىن جانە قىزمەتكەرلەردىڭ جۇقتىرۋىنا جول بەرمەۋ.
«ايتا كەتۋ كەرەك, ەپيدەميا ءورشىپ تۇرعان كەزدىڭ وزىندە قالادا بىردە-ءبىر ەمحانا ىستەن شىققان جوق, ولاردىڭ بارلىعى شتاتتىق رەجيمدە جۇمىس جاسادى. مەديتسينالىق قىزمەتكەرلەر ءۇشىن جقق قاجەتتى قورلارى ساتىپ الىندى, دارىلىك زاتتاردىڭ رەزەرۆتىك قورى قۇرىلدى. ياعني بۇگىندە قالالىق ەمحانالاردىڭ تۇراقتى رەجىمدە جۇمىس ىستەۋى ءۇشىن جانە ەپيدەميا قايتا ورشىگەن جاعدايدا قاجەتتىنىڭ ءبارى ازىرلەندى جانە قامتاماسىز ەتىلدى», دەيدى ك.نادىروۆ.
الماتى
