ايماقتار • 20 قىركۇيەك، 2020

رومان سكليار جۇمىس ساپارىمەن الماتى وبلىسىنا باردى

24 رەت كورسەتىلدى

وبلىس اكىمى اماندىق باتالوۆ باستاعان توپ جانە ۆيتسە-پرەمەر رومان سكليار قازاقستان رەسپۋبليكاسى پرەمەر-ءمينيسترىنىڭ تاپسىرماسىن ورىنداۋ اياسىندا ءۇشارال – دوستىق جانە تالدىقورعان – قالباتاۋ – وسكەمەن اۆتوموبيل جولدارىنىڭ قۇرىلىسىمەن تانىسىپ، تالدىقورعان قالاسىندا سالىنىپ جاتقان بىرقاتار نىساندى ارالادى، – دەپ حابارلايدى  Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.

بۇگىنگى تاڭدا «تالدىقورعان – قالباتاۋ – وسكەمەن» اۆتوجولىنىڭ 287-615 شاقىرىمىن قالپىنا كەلتىرۋگە 905 تەحنيكا مەن 1847 جۇمىسشى كۇش جۇمىلدىرىلعان. جولدىڭ جالپى ۇزىندىعى 313،5 شاقىرىم. جول قۇرىلىسىن قايتا جوندەۋ جۇمىسى 115 ميلليارد تەڭگەنى قۇرايدى. قۇرىلىس جۇمىستارى باستالعاننان بەرى 9 897 مىڭ م3 جەر جۇمىستارى اياقتالعان. 150،7 شاقىرىم استىنداعى قابات، 135،8 شاقىرىم تومەنگى نەگىزگى قابات، 126 شاقىرىم جوعارعى بازالىق قابات بولسا تومەنگى قاباتتىڭ ۇزىندىعى 117،8 شاقىرىم.

ءۇشارال – دوستىق جولىن قالپىنا كەلتىرۋدىڭ جالپى قۇنى 12،6 ميلليارد تەڭگەنى قۇرايدى. قازىرگى تاڭدا نىسانعا 265 ادام مەن 144 تەحنيكا جۇمىلدىرىلعان. بيىل 30 شاقىرىم جول پايدالانۋعا بەرىلەدى دەپ جوسپارلانۋدا (ۋچاسكەسى 30-60 شاقىرىم). ەكى نىساندى دا 2021 جىلى پايدالانۋعا بەرۋ جوسپارلانعان.

ۆيتسە-پرەمەر رومان سكليار تالدىقورعانعا جۇمىس ساپارى كەزىندە 200 ورىندى ءمودۋلدى اۋرۋحانا قۇرىلىسىنىڭ جۇمىسىمەن تانىستى. جوبا ديرەكتورى ارمان كابۇلقاستىڭ ايتۋىنشا، نىساننىڭ جالپى اۋدانى 6760 شارشى مەتردى قۇرايدى. اۋرۋحانادا قابىلداۋ بولمەسى، بوسانۋ، زەرتحانا، جانساقتاۋ بولىمدەرى جانە كىشىگىرىم وتا جاسايتىن بولمە بار. قازىرگى كەزەڭدە اۋرۋحانانىڭ قۇرىلىسى جوسپارعا سايكەس جۇرگىزىلۋدە. نىسانداعى تاماقتانۋ، كىر جۋ بولىمدەرى جايلى ماسەلەلەر پىسىقتالدى. قۇرىلىس كەزىندە مەديتسينا قىزمەتكەرلەرىنىڭ تىلەكتەرى ەسكەرىلىپ، باستى نازارعا الىنعان. بۇگىنگى كۇنگە نىساننىڭ قاڭقاسى، قابىرعالارى تۇرعىزىلىپ، شاتىرى جابىلىپ، ينجەنەرلىك جەلىلەردىڭ شامامەن 85%-ى ورناتىلىپ، ىشكى ارلەۋ جۇمىستارى جۇرگىزىلۋدە. قاجەتتى مەديتسينالىق جابدىقتاردىڭ 80% جەتكىزىلگەن.

جاڭا اۋرۋحانادا كوپشىلىككە ساپالى قىزمەت كورسەتەتىن كادر ماسەلەسى دە باستى نازاردا. وبلىستىق دەنساۋلىق ساقتاۋ باسقارماسى وكىلدەرىنىڭ ايتۋىنشا، 82 رەزيدەنت بار. ولاردىڭ ىشىندە ينفەكتسيونيستتەر، پۋلمونولوگتار، رەانيماتولوگتار، انەستەزيولوگتار بار. رەزيدەنتتەر جەرگىلىكتى بيۋدجەت ەسەبىنەن وقيدى. اماندىق باتالوۆ قالا اكىمى عالىمجان ابدىرايىموۆقا كەلەر جىلى كەم دەگەندە 60 پاتەرلى كوپپاتەرلى ءۇي سالۋ ءۇشىن العاشقى جۇمىستاردى بيىل باستاۋدى تاپسىردى. ەستەرىڭىزگە سالا كەتەيىك، بۇعان دەيىن قالادا مەديتسينا قىزمەتكەرلەرىنە ارنالعان 60 پاتەرلى باسپانا سالىنىپ، پايدالانۋعا بەرىلگەن بولاتىن.

وبلىس ورتالىعىنداعى الەمدىك دەڭگەيدەگى ءجۇزۋ باسسەينىنىڭ قۇرىلىسى ۆيتسە-پرەمەردىڭ نازارىنان تىس قالمادى. مەردىگەر «بازيس كونستراكشن» كومپانياسىنىڭ باسقارۋشى ديرەكتورى مۇستافا افرايلوۆتىڭ ايتۋىنشا، جۇمىستىڭ ءبىرىنشى كەزەڭى تولىعىمەن اياقتالعان. 10-15% ينتەرەردىڭ سىرلانۋ جۇمىسى عانا قالعان. عيماراتتىڭ جارىقتاندىرىلۋى پىسىقتالىپ، جۇمىستىڭ ەكىنشى كەزەڭى باستالىپ، 3 گەكتار اۋماقتى اباتتاندىرۋ جۇمىستارى قولعا الىنعان.

وبلىس اكىمى اماندىق باتالوۆ اتاپ وتكەندەي، باسسەين اۋماعىن جاقسارتۋ «جاستار» ساياباعىنىڭ اباتتاندىرىلعان اۋماعىمەن ءبىرتۇتاس ۇيلەسىمدى كومپوزيتسيانى قۇرا الادى.

جۇمىس ساپاردىڭ كەلەسى نىسانى كوتتەدج قالاشىعى بولدى. كەزەكتە تۇرۋعا ارنالعان تاعى 71 ساياجاي پايدالانۋعا بەرۋگە دايىن.  بارلىق ءۇي ورتالىقتاندىرىلعان گازبەن جىلىتۋعا قوسىلعان. جىل سوڭىنا دەيىن 349 ءۇي سالىنادى دەپ جوسپارلانۋدا.

ۆيتسە-پرەمەردىڭ رومان سكليار قاراتال وزەنىنىڭ جاعالاۋىندا بولىپ، اعىمداعى جىلدىڭ 2 قىركۇيەگىندە پايدالانۋعا بەرىلگەن 280 ورىندىق ستۋدەنتتەر جاتاقحاناسىنىڭ ىشكى ورنالاسۋىمەن جانە ورتالىق قالالىق الاڭنىڭ اباتتاندىرىلۋ جۇمىسىمەن تانىستى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار