قوعام • 20 قىركۇيەك، 2020

باقىتجان ساعىنتاەۆ قالا تۇرعىندارىنا الماتىنىڭ دامۋىنا قوسقان ۇلەستەرى ءۇشىن العىسىن ءبىلدىردى

63 رەت كورسەتىلدى

بۇگىن، قالا كۇنى «قالانىڭ قۇرمەتتى ازاماتى» اتاعىن بەرۋ جانە «ەڭبەگى ءۇشىن» توسبەلگىسىن تابىستاۋ ءراسىمى ءوتتى، دەپ حابارلايدى Egemen.kz.

الماتى اكىمى باقىتجان ساعىنتاەۆ ءوزىنىڭ Instagram پاراقشاسىندا قالا كۇنى ونىڭ قالىپتاسۋى مەن وسۋىنە ايرىقشا ۇلەس قوسقان قالالىقتاردىڭ ەڭبەگى اتالىپ وتەدى دەپ جازدى.

«بەلگىلى قوعام مەن ساياسي قايراتكەرلەرى، عىلىم مەن ءبىلىم، مەديتسينا مەن مادەنيەت، كينو مەن ادەبيەت سالاسىنىڭ قىزمەتكەرلەرى قوعامعا قىزمەت ەتىپ قانا قويماي، ۇرپاقتار ساباقتاستىعىن قامتاماسىز ەتىپ، وسكەلەڭ ۇرپاق ءۇشىن ۇلگى بولۋدا»، — دەپ اتاپ ءوتتى ب. ساعىنتاەۆ.

مەگاپوليستىڭ بارلىق قوعامدىق-ساياسي ءومىرىنىڭ وكىلدەرىنە «قالانىڭ قۇرمەتتى ازاماتى» اتاعى بەرىلدى، سونىمەن قاتار «ەڭبەگى ءۇشىن» ءتوس بەلگىسىمەن ماراپاتتالدى. الماتى اكىمى قالا تۇرعىندارى اتىنان ولاردىڭ جۇمىستارىنا العىس ايتىپ، ريزاشىلىق ءبىلدىردى.

«قالانىڭ قۇرمەتتى ازاماتى» اتاعى ەكونوميكا عىلىمدارىنىڭ دوكتورى، الماتى قالاسى قوعامدىق كەڭەسىنىڭ توراعاسى ر. الشانوۆقا; مەملەكەت جانە قوعام قايراتكەرى، III–V شاقىرىلىم ءماجىلىسىنىڭ دەپۋتاتى ت. اسانوۆقا; ءبىلىم بەرۋ ءىسىنىڭ قۇرمەتتى قىزمەتكەرى ش. بەركىمباەۆاعا; مەملەكەت جانە قوعام قايراتكەرى، الماتى قالاسى ارداگەرلەر كەڭەسىنىڭ توراعاسى ا. بيجانوۆقا; قازاقستاننىڭ حالىق ءارتىسى، اكتەر جانە كينورەجيسسەر د. جولساقىنوۆقا; قازاقستاننىڭ حالىق جازۋشىسى ق. جۇمادىلوۆكە; ەڭبەك سىڭىرگەن قايراتكەر، مەديتسينا عىلىمدارىنىڭ دوكتورى ن. كايۋپوۆاعا; حالىق ءارتىسى، ەسترادا ءانشىسى ر. رىمباەۆاعا; قالانىڭ باس رەانيماتولوگى ت. قۋاندىقوۆقا بەرىلدى.

قالانىڭ دامۋىنا قوسقان ۇلەسى ءۇشىن «ەڭبەگى ءۇشىن» توسبەلگىسىمەن پروديۋسەر ا. جۇماش; وقىتۋشى رينات يبرايموۆ; ساۋلەتشى، «ەوس» گرەكتەر قوعامى كەڭەسىنىڭ توراعاسى س. كوسمەريدي، الماتى قالاسى پد اعا تەرگەۋشىسى ت. كاليەۆ، تسققد اۋداندىق باسقارماسىنىڭ ەپيدەميولوگيالىق ءبولىمىنىڭ باستىعى س. سۇلەيمەنوۆا ماراپاتتالدى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

ۇقساس جاڭالىقتار