ەلوردا • 20 قىركۇيەك، 2020

ۆولونتەرلەر نۇر-سۇلتان تۇرعىندارىنا كارانتين ءتارتىبىن ءتۇسىندىردى

19 رەت كورسەتىلدى

ەلدە كارانتين رەجيمى ساقتالىپ، ماسكا تاعۋ جانە قوعامدىق ورىنداردا الەۋمەتتىك قاشىقتىق ساقتاۋ مىندەتتى بولىپ قالا بەرەدى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ. 

ەلوردالىق شتاب ەرىكتىلەرى نۇر-سۇلتان كوشەلەرى مەن ساياباقتارىندا قوعامدىق ورىنداردا كارانتين ءتارتىبىن ساقتاۋدىڭ ماڭىزى تۋرالى ءتۇسىندىرۋ جۇمىستارىن جۇرگىزدى. ۆولونتەرلەر قالا تۇرعىندارىن ماسكا تاعۋعا، سونداي-اق الەۋمەتتىك قاشىقتىق ساقتاۋعا جانە توپتالىپ جينالماۋعا شاقىردى.

«كوروناۆيرۋس ينفەكتسياسى جاعدايلارى ءالى دە تىركەلىپ جاتقانىن كورىپ وتىرمىز. الايدا، ءبىزدىڭ تۇرعىندار كارانتين شارالارىنا - الەۋمەتتىك قاشىقتىق، ماسكا تاعۋعا نەمقۇرايلى قاراي باستادى. سونداي-اق ادامدار ءبىر-بىرىنە قاۋىپ ءتوندىرىپ، ءۇش-ءتورت ادامنان، كەيبىر جەرلەردە ون-ون بەس ادامنان جينالا باستادى»، - دەدى «استانا جاستارى» جاستار رەسۋرستىق ورتالىعى باسشىسى شىڭعىس تىلەۋلين.

جول بويى اكتسيا ۇيىمداستىرۋشىلارى ماسكاسى جوق تۇرعىنداردى كورسە توقتاتىپ، ولارعا تەگىن ماسكا تاراتتى جانە ساقتىق نورمالارىنىڭ ماڭىزدىلىعىن ەستەرىنە سالدى. تۇرعىندارعا جاۋاپسىزدىعىمەن ءوز ومىرلەرىنە عانا ەمەس، جاقىندارىنا دا قاۋىپ توندىرەتىنىن ءتۇسىندىرۋ ماڭىزدى، دەيدى ۇيىمداستىرۋشىلار.

ء«بىز الدىن الۋ شاراسى رەتىندە ءتۇسىندىرۋ جۇمىستارىن جۇرگىزدىك، بىراق ايىپپۇل سالعان جوقپىز. بۇل جۇمىس جۇيەلى تۇردە جۇزەگە اسىرىلادى. كارانتين جەڭىلدەتىلدى، بىراق تولىعىمەن جويىلعان جوق، جانە بۇل ۇنەمى ەستە ساقتالۋى كەرەك»، - دەدى ەرىكتى انەل مانسۋروۆا.

ورتالىق ساياباقتا وتكەن اكتسياعا جيىرما ەرىكتى مەن ءتورت پوليتسيا قىزمەتكەرى قاتىستى. شارا جاستار ساياساتى ماسەلەلەرى باسقارماسى مەن «استانا جاستارى» جاستار رەسۋرستىق ورتالىعىنىڭ باستاماسىمەن ءوتتى.

ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقاەۆ كارانتين ءتارتىبىن ساقتاۋعا شاقىرعان بولاتىن.

«قالالاردا كارانتيندىك شارالار ساقتالمايدى، بۇل جۇقتىرعاندار سانىنىڭ ارتۋىنا اكەلەدى. ۇكىمەت، وبلىستاردىڭ، قالالاردىڭ اكىمدەرى جاعدايدى تۇزەتۋى ءتيىس. كوپشىلىك ورىنداردا، قوعامدىق كولىكتە ماسكالار كيۋ مىندەتتى»، – دەپ جازعان بولاتىن قازاقستان پرەزيدەنتى Twitter-دە.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار