ايماقتار • 20 قىركۇيەك، 2020

ورالدا سovid-19 ىندەتىن زەرتتەيتىن ورتالىق اشىلدى

28 رەت كورسەتىلدى

جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە بيوتەحنولوگيا جانە جۇقپالى اۋرۋلار دياگنوستيكاسى زەرتحاناسى اشىلدى، دەپ حابارلايدى Egemen.kz

ورالدىق زەرتحانا وسى قىركۇيەك ايىنىڭ باسىندا بقاتۋ-دىڭ سىناق ورتالىعىندا اشىلعان. عىلىمي مەكەمە نەگىزىنەن covid-19-عا پوليمەرلىك تىزبەكتى رەاكتسيا (پتر) دياگنوستيكاسىن جۇرگىزۋگە ارنالعان ۆيرۋسولوگيالىق زەرتحانا رەتىندە جۇمىسىن باستاعان. كەلىسىم-شارت بويىنشا زەرتحاناعا قاجەتتى بيوماتەريالداردى «مەديكەر» مەديتسينالىق ورتالىعى جەتكىزەدى.

- ءبىزدىڭ ۋنيۆەرسيتەتىمىزدىڭ عالىمدارى، ماماندار ارنايى امەريكاعا بارىپ، كوروناۆيرۋسقا قارسى كۇرەس ورتالىقتارىندا تاجىريبەدەن ءوتىپ ءارى وقىپ كەلدى. ونىڭ ۇستىنە الەمدەگى جانە جاقىن توڭىرەكتەگى سالالىق ۇيىمداردىڭ تاجىريبەسىن، جالپى مەديتسينادا كوۆيدكە قارسى كۇرەس سالاسىنداعى جاڭالىقتاردى سارالاپ وتىرىپ، وسىنداي زەرتحانا اشىپ وتىرمىز. بۇگىندە مۇنداي ءىستى اتقارۋعا ءبىزدىڭ مامانداردىڭ ءبىلىمى دە، مۇمكىندىگى دە جەتەدى. وسى كەزگە دەيىن زەرتحانادا 500-دەي تەكسەرۋ ءوتتى. ءارى قاراي كوبەيتۋگە دە مۇمكىندىك بار، - دەيدى جاڭگىر حان ۋنيۆەرسيتەتىنىڭ رەكتورى اسقار نامەتوۆ.

رەكتوردىڭ ايتۋىنشا، زەرتحانا ماماندارى ۇلكەن جوبانى قولعا العان. جالپى ءاۋ باستا covid-19 ىندەتىنىڭ ءوزى جارعاناتتان تاراعانى ايتىلعان ەدى. بىراق قازاقستانداعى جارعاناتتاردى كۇنى بۇگىنگە دەيىن ەشكىم زەرتتەمەگەن ەكەن. ء«بىز جارعاناتتىڭ ىندەت اۋرۋىن تاراتۋعا قانشالىقتى قاتىسى بار ەكەنىن انىقتاساق، ول ءبىزدىڭ مەديتسيناعا دا، ۆەتەرينارياعا دا كوپ كومەك بولادى. اۋرۋدىڭ ارى قاراي تاراماۋىنا ۇلەس قوسامىز» دەيدى عالىم.

نەگىزى كوروناۆيرۋستىڭ ءتۇرى كوپ، بۇل ۆيرۋستىڭ كەيبىر ءتۇرى مال شارۋاشىلىعىندا دا كەزدەسەتىنى بەلگىلى. بىراق covid-19-دىڭ مالعا قالاي اسەر ەتەتىنى بۇگىنگە دەيىن انىقتالماعان ەكەن. «باتىس قازاقستان وبلىسىنان ءىرى قارا مالىنىڭ ەتى قىتايعا ەكسپورتتالادى. قازىر الۋشى جاق مال ەتىندە كوروناۆيرۋس جوقتىعى جونىندە سەرتيفيكات تالاپ ەتىپ وتىر ەكەن. «مۇنى انىقتاۋ ىسىمەن ەلىمىزدە ءبىزدىڭ زەرتحانادان باسقا ەشكىم شۇعىلدانىپ جۇرگەن جوق. ءبىز ونىڭ جۇيەسىن جاساپ، انىقتاپ، سەرتيفيكات بەرىپ جاتىرمىز» دەيدى اسقار مىرزاحمەت ۇلى.

- سىناق ورتالىعىنىڭ بازاسىندا اشىلعان زەرتحانا بيوتەحنولوگيا جانە جۇقپالى اۋرۋلار دياگنوستيكاسىن جاسايدى. بۇگىنگە دەيىن زەرتحانا نەگىزىنەن كوروناۆيرۋستىڭ دياگنوستيكاسىن انىقتاۋمەن اينالىستى. ءبىزدىڭ ۇجىم عىلىمي زەرتحانا بولعاندىقتان، سىناما الۋ مەديتسينالىق مەكەمەلەر قابىرعاسىندا جۇرگىزىلىپ، بىزگە دايىن بيولوگيالىق ماتەريال عانا اكەلىنەدى. ءبىز ولاردى تىركەپ، وڭدەپ، رنك ءبولىپ الىپ، پوليمەرلىك تىزبەكتى رەاكتسيا تاسىلىمەن سىناق وتكىزىپ، دياگنوستيكا جاسايمىز. ناتيجەسى سول كۇنى دايىن بولادى. بارلىق جۇمىس پروتسەسى اۆتوماتتاندىرىلعان. ادام فاكتورى وتە تومەن. بارلىق ناتيجە كۇن سايىن تەكسەرىلىپ وتىرادى. ءبىزدىڭ زەرتحانا ناتيجەلەرىنىڭ ناقتىلىعى 99،9% اقيقات ەكەنىنە كەپىلدىك بەرەمىز. كۇنى بۇگىنگە دەيىن 500-دەن اسا اناليز جاسادىق. زەرتحانادا 6 عىلىمي قىزمەتكەر جۇمىس ىستەيدى. ولار الىس-جاقىن شەتەلدە الەمنىڭ جەتەكشى عىلىمي ورتالىقتارىندا ءبىلىمىن جەتىلدىرىپ، كوروناۆيرۋستى دياگنوستيكا جاساۋعا ارنايى رۇقسات العان، - دەيدى جاڭگىر حان اتىنداعى بقاتۋ-دىڭ سىناق ورتالىعىنىڭ ديرەكتورى، بيولوگيا عىلىمدارىنىڭ دوكتورى، قاۋىمداستىرىلعان پروفەسسور ينديرا بەيشوۆا.

زەرتحانا زاماناۋي قۇرىلعىلارمەن جابدىقتالعان جانە تولىق اۆتوماتتاندىرىلعان. ايتا كەتەرلىگى، سىناۋ ورتالىعى اۋىل شارۋاشىلىعى مالىنىڭ گەنەتيكاسىن زەرتتەۋ، ولاردىڭ اۋرۋلارىن دياگنوستيكالاۋ جۇمىستارىن دا جۇرگىزەدى. بۇل باعىتتا ەلىمىزدە 4-5 زەرتحانا بار.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار