ايماقتار • 20 قىركۇيەك، 2020

اشم باسشىلىعى ايماقتاعى ەپيدەميولوگيالىق جاعدايدى باقىلاۋ ءۇشىن سقو-عا كەلدى

4 رەت كورسەتىلدى

اۋىل شارۋاشىلىعى ءمينيسترى ساپارحان وماروۆتىڭ تاپسىرماسىمەن ۆيتسە-مينيستر گۋلميرا يساەۆا باستاعان ارنايى توپ سولتۇستىك قازاقستان وڭىرىنە كەلىپ، وبلىستا جوعارى پاتوگەندى قۇس تۇماۋىنىڭ تارالۋىنا جول بەرمەۋ ماقساتىندا جاسالىپ جاتقان كەشەندى شارالاردىڭ بارىسىن تەكسەردى. بۇل تۋرالى قر اشم ءباسپاسوز حاتشىسى جانجىگىت ومارحان ءوزىنىڭ Facebook الەۋمەتتىك جەلىسىندەگى پاراقشاسىندا حابارلادى.

"وزدەرىڭىز بىلەتىندەي، قازاقستاندا 2005 جىلدان بەرى قۇس تۇماۋى بولماعان. سوندىقتان ءبىز سولتۇستىك قازاقستان وبلىسىنا وڭىردە ىندەتكە قارسى جۇمىستى دۇرىس ۇيلەستىرۋگە جانە ۆاكتسيناتسيا شارالارىن ۇيىمداستىرۋعا، سونداي-اق اۋرۋ وشاقتارى انىقتالعان اۋماقتاردى  جانە قۇستاردىڭ ولەكسەلەرىن جويۋعا كومەكتەسۋ ءۇشىن كەلدىك. تاۋەكەلدەردى باعالاۋ جانە قۇس تۇماۋىنىڭ ودان ءارى تارالۋىن بولدىرماۋ ءۇشىن بارلىق ءىس-ارەكەتتەردىڭ دۇرىستىعىنا كوز جەتكىزۋ وتە ماڭىزدى بولدى.

سونداي-اق، ءبىزدىڭ مىندەتىمىز - ولگەن قۇستىڭ يەلەرىنە وتەماقى تولەۋ بويىنشا جۇمىستى جولعا قويۋ. بىزبەن بىرگە رەسپۋبليكالىق ەپيزووتياعا قارسى وتريادتىڭ باسشىسى ءوز ماماندارىمەن كەلدى. ولار وتىنىشتەردى قابىلداپ، زاڭعا سايكەس تولەمدەر جۇرگىزەدى"، - دەدى ارنايى توپتىڭ كەلۋ ماقساتى تۋرالى قر اشم ۆيتسە-ءمينيسترى.

سونىمەن قاتار، ول كوميسسيا وڭىردەگى قۇس فابريكالارىنىڭ باسشىلارىمەن كاسىپورىندار اينالاسىندا "بيولوگيالىق قاۋىپسىز ءارى وقشاۋلانعان" ايماقتار قۇرۋ ماسەلەسى بويىنشا كەلىسسوزدەر جۇرگىزگەنىن حابارلادى. بارلىق قاجەتتى تالاپتار ورىندالعان جاعدايدا ءوڭىردىڭ قۇس فابريكالارى ءوز ونىمدەرىن ەركىن وتكىزۋ قۇقىعىن الا الادى.

"سولتۇستىك قازاقستان وبلىسىنداعى جاعداي جانە ارنايى توپتىڭ ساپارى تۋرالى تولىق اقپاراتتى قر اۋىل شارۋاشىلىعى ۆيتسە-ءمينيسترى گۇلميرا يساەۆا دۇيسەنبىدە قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ الاڭىندا جاريالايدى"، - دەپ جازدى قر اشم ءباسپاسوز حاتشىسى جانجىگىت ومارحان Facebook-تەگى پاراقشاسىندا.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار