قازاقستان • 20 قىركۇيەك، 2020

ەلىمىزدىڭ ءۇش وبلىسىندا اۋا رايىنا بايلانىستى ەسكەرتۋ جاريالاندى

124 رەت كورسەتىلدى

"قازگيدرومەت" رمك قازاقتاننىڭ بىرقاتار وبلىسىندا اۋا رايىنا بايلانىستى ەسكەرتۋ جاريالادى، دەپ حابارلايدى Egemen.kz.

سينوپتيكتەردىڭ حابارلاۋىنشا، 20 قىركۇيەك كۇنى كۇندىز قاراعاندى وبلىسىنىڭ كەي جەرلەرىندە نايزاعاي وينايدى. كەي جەرلەردە وڭتۇستىك، ونتۇستىك-شىعىستان جەل سوعىپ، كۇشى 15-20 م/س-كە جەتەدى.

جەزقازعاندا بۇگىن كۇندىز نايزاعاي ويناپ، وڭتۇستىك، ونتۇستىك-شىعىستان جەل سوعادى، ەكپىنى 18 م/س بولادى. اۋا رايى بولجامىنىڭ دالدىگى 70-75%.

سولتۇستىك قازاقستان وبلىسىندا وڭتۇستىكتەن جەل سوعادى، تۇندە كەي جەرلەردە كۇشى سەكۋندىنا 15-20 مەترگە، كۇندىز 15-20 مەترگە، ەكپىنى 23-28 مەترگە جەتەدى.

پەتروپاۆلدا 20 قىركۇيەك كۇنى كۇندىز وڭتۇستىكتەن جەل سوعىپ، جىلدامدىعى سەكۋندىنا 15-20 مەترگە، ەكپىنى 25 مەترگە جەتەدى. اۋا رايى بولجامىنىڭ دالدىگى 90-95%.

اقمولا وبلىسىندا وڭتۇستىك، وڭتۇستىك-باتىستان جەل سوعادى، تاڭەرتەڭ جانە كۇندىز وبلىستىڭ باسىم بولىگىندە جەلدىڭ جىلدامدىعى سەكۋندىنا 15-20 مەترگە جەتەدى، ەكپىنى 23 م/س بولادى.

كوكشەتاۋدا كۇندىز وڭتۇستىك، وڭتۇستىك-باتىستان جەل سوعادى، ەكپىنى 15-20 م/س-كە جەتەدى. اۋا رايى بولجامىنىڭ ىقتيمالدىلىعى 85-90%.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

ۇقساس جاڭالىقتار