“ەلوردامىزدا ەكولوگيالىق اۋماقتاردىڭ قاتارى ارتىپ كەلەدى. قالانىڭ تىنىس الۋ مۇشەسىندەي بۇل تەرريتوريالاردى اباتتاندىرامىز: اعاش, بۇتا, جاپىراقتى جانە قىلقان جاپىراقتى كوشەتتەر وتىرعىزامىز. وسىمدىكتەردى ساقتاۋ ماقساتىندا تالداردى كەسكەنى ءۇشىن وتىرعىزىلاتىن كوشەتتەردى ەكى ەسەگە كوبەيتتىك. ەگەر بۇرىن “بىرگە بەس” بولسا, قازىر “بىرگە ون”.
ترياتلون مەن پرەزيدەنت ساياباعىن جالعاپ تۇرعان كوپىراستى كەڭىستىك (سارايشىق) قازىر ادام كوپ جينالاتىن, سپورتپەن اينالىسىپ, جاستاردىڭ باس قوساتىن ورنىنا اينالدى. بۇعان دەيىن بىلەسىزدەر, بۇل جەر بوس جاتقان ەدى. جوندەۋ جۇمىستارىمەن قوسا, كوممۋنالدىق قىزمەتكەرلەرىمىز دە تەرريتوريانى اباتتاندىرۋمەن اينالىستى. بۇگىن ارىپتەستەرىمىزبەن, ۆولونتەرلەرمەن, ەكوبەلسەندىلەرمەن, سپورتشىلارمەن, ارتىستەرمەن جانە قورشاعان ورتاعا بەي-جاي قارامايتىن بارلىق ازاماتتارمەن بىرگە اعاش كوشەتتەرىنىڭ كەزەكتى پارتياسىن وتىرعىزدىق. وسى شاراعا قاتىسقان بارلىق ازاماتقا ريزاشىلىعىمدى بىلدىرەمىن!
بۇل تەرريتوريانى ءالى دە گۇلدەندىرەمىز. قازىردىڭ وزىندە وندا باسكەتبول الاڭى مەن بالالار الاڭى, work-out, بيشىلەرگە ارنالعان ساحنا, يوگامەن اينالىسۋعا ارنالعان ورىن جانە ت.ب. بار. پيرس ورناتىلىپ, ۇلكەن فۋتبول الاڭى سالىندى. بيىل وسىنداي 50 قوعامدىق كەڭىستىك, 150 جاڭا اۋلا اباتتاندىرىلدى. كوگالداندىرۋ ءىسى بويىنشا بارلىق جەرگە كوڭىل بولەمىز.
بيىل وتىرعىزىلعان تالدار سانى 30 مىڭ, بارلىق ەگىلگەن جاسىل-جەلەك 80 مىڭعا جەتەدى. بۇل تسيفردى جىل سايىن كوبەيتىپ وتىرامىز,” - دەپ جازدى التاي كولگىنوۆ الەۋمەتتىك جەلىدەگى پاراقشاسىندا.
