قوعام • 19 قىركۇيەك، 2020

قازاقستان مەن رەسەي 21 قىركۇيەكتەن باستاپ اۋە قاتىناسىن قالپىنا كەلتىرەدى

18 رەت كورسەتىلدى

ەكى مەملەكەتتىڭ ۋاكىلەتتى قۇرىلىمدارىنىڭ شەشىمىنە سايكەس 2020 جىلعى 21 قىركۇيەكتەن باستاپ قازاقستان مەن رەسەي اراسىنداعى اۋە رەيستەرى قايتا اشىلادى، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ. 

رەيستەر ءوزارا نەگىزدە اپتاسىنا ءبىر رەت جيىلىكپەن ورىندالادى.

رەيستەر جانە بيلەتتەردى ساتۋ قازاقستان مەن رەسەي بەلگىلەگەن سانيتارلىق قاۋىپسىزدىك شارالارى كۇشەيتىلگەن جاعدايدا، شەكتەۋلەر الىنىنىپ جانە ەپيدەميولوگيالىق جاعدايدىڭ جاقسارۋىنا قاراي اۋە كومپانيالاردىڭ سايتتارىندا جاريالانعان كەستەگە سايكەس جۇزەگە اسىرىلاتىن بولادى.

سونداي-اق رەسەي تاراپى قىرعىزستان جانە بەلارۋس رەسپۋبليكالارىمەن حالىقارالىق اۋە قاتىناسىن قالپىنا كەلتىرۋ تۋرالى شەشىم قابىلدادى.

سوڭعى جاڭالىقتار

ۇقساس جاڭالىقتار