ايماقتار • 19 قىركۇيەك، 2020

شىمكەنتتە “قارۋلى كۇشتەرى – ادالدىق الاڭى” جوبالىق كەڭسەسى اشىلدى

16 رەت كورسەتىلدى

مەملەكەت باسشىسىنىڭ جولداۋىن ىسكە اسىرۋ، مەملەكەتتىك قىزمەتتەردى الۋ كەزىندە ازاماتتار ءۇشىن قولايلى جاعداي جاساۋ، سىبايلاس جەمقورلىقتىڭ الدىن الۋ جانە جويۋ ماقساتىندا شىمكەنت قالاسىنىڭ قورعانىس ىستەرى جونىندەگى دەپارتامەنتىندە "قارۋلى كۇشتەرى – ادالدىق الاڭى" جوبالىق كەڭسەسى اشىلدى، دەپ حابارلايدى Egemen.kz.

جوبالىق توپتىڭ قۇرامىنا اسكەري ەسەپكە الۋ، شاقىرۋ، كادر جۇمىسى جانە قارجى قىزمەتى ماسەلەلەرى بويىنشا دەپارتامەنتتىڭ اسكەري قىزمەتشىلەرى مەن ازاماتتىق قىزمەتشى ماماندارى كىردى.

شىمكەنت قالاسىنىڭ قورعانىس ىستەرى جونىندەگى دەپارتامەنتى تۇسىندىرگەندەي، ازاماتتار تۋىنداعان سۇراقتارىمەن كەلگەن كەزدە كەزەكشى كەلۋشىنى تىكەلەي قابىلداۋدى جۇزەگە اسىراتىن كەڭسە باسشىسىنا حابارلايدى. قاجەت بولعان جاعدايدا، ماسەلەنى شەشۋ ءۇشىن جوبالىق توپتىڭ ءتيىستى ماماندارىن شاقىرادى.

"جوبالىق كەڭسە ازاماتتاردى قىزمەتتىك ءىس جۇرگىزۋدە تىكەلەي قابىلداۋ بارىسىندا مۇراعاتقا جۇگىنۋدى تالاپ ەتەتىن انىقتامالىق جۇمىستاردى قوسپاعاندا، ولاردىڭ قۇجاتتارىن تىركەۋدىڭ قاجەتتىلىگى بولمايدى"، – دەدى جوبالىق كەڭسەنىڭ باسشىسى، شىمكەنت قالاسىنىڭ قورعانىس ىستەرى جونىندەگى دەپارتامەنتى باستىعىنىڭ ورىنباسارى پودپولكوۆنيك رينات مادياروۆ.

جوبالىق توپ ازاماتتاردىڭ ماسەلەلەرىن شەشۋ ءۇشىن جان-جاقتى شارالار قابىلدايتىن بولادى. جۇمىستىڭ تيىمدىلىگى مەكەمە باستىعىنا جازباشا ءوتىنىش بەرۋ، باعىنىستى بىرىككەن باسقارمالارمەن، باسقا ورگاندارمەن جانە مەكەمەلەرمەن حات الماسۋ قاجەتتىلىگىن جويادى. وسىلايشا، قىزمەت كورسەتۋدىڭ جەدەلدىگى مەن ساپاسى ارتادى.

ايتا كەتسەك، "قارۋلى كۇشتەرى – ادالدىق الاڭى" جوبالىق كەڭسەسىنىڭ جۇمىس ىستەۋى بەكىتىلگەن "ادالدىق الاڭى" جوباسىنىڭ جارعىسىنا سايكەس قاتاڭ تۇردە جۇزەگە اسىرىلاتىن بولادى.

كەلۋشىلەردى قابىلداۋ جۇمىس كۇندەرىندە ساعات 9-دان 18.00-گە دەيىن جۇزەگە اسىرىلادى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار