ايماقتار • 18 قىركۇيەك، 2020

قالا كۇنى ونلاين فورماتتا اتالىپ وتەدى

66 رەت كورسەتىلدى

قىزىلوردادا قالا كۇنى 21-26 قىركۇيەك ارالىعىندا اتالىپ وتىلەدى. بۇل تۋرالى شاھار باسشىسى نۇرلىبەك نالىباەۆتىڭ توراعالىعىمەن وتكەن اپپاراتتىق ماجىلىستە قالالىق مادەنيەت جانە تىلدەردى دامىتۋ ءبولىمىنىڭ باسشىسى مۇحتار نيازوۆ باياندادى، دەپ حابارلايدى Egemen.kz

"قالا كۇنى" اياسىندا ۇيىمداستىرىلاتىن مەرەكەلىك شارالار سانيتارلىق نورمالاردى ساقتاي وتىرىپ، قابىلدانعان شەكتەۋلەرگە بايلانىستى ۇيلەستىرىلەتىن بولادى. حالىقتىڭ جاپپاي جينالۋىنا جول بەرمەۋ ءۇشىن 60 جۋىق مەرەكەلىك ءىس-شارا ونلاين فورماتتا يۋتۋب كانالى مەن فەيسبۋك، ينستاگرام تاعى باسقا دا الەۋمەتتىك جەلىلەرى ارقىلى كورسەتىلەدى. نەگىزگى مەرەكەلىك شارالار 25 قىركۇيەكتە جاڭادان جانە  قايتا جاڭعىرتۋدان وتكەن الەۋمەتتىك نىسانداردى پايدالانۋعا بەرۋ سالتاناتىمەن ۇشتاسادى.

اتاپ ايتقاندا، تۇسكە دەيىن وبلىس جانە قالا اكىمدەرىنىڭ قاتىسۋىمەن "دەنساۋلىق" ساياباعى اشىلىپ، قايتا جاڭعىرتۋدان وتكەن "سىر انا" الاڭى تانىستىرىلادى. جاپپاسباي باتىر كوشەسى بويىنداعى جاڭا №282 مەكتەپ-ليتسەيى وسى كۇنى پايدالانۋعا بەرىلەدى، وبلىستىق مەديتسينا ورتالىعى الدىندا "دارىگەرلەر" اللەياسى، جاڭادان سالىنعان بالالار ويىن الاڭى، مەملەكەت جانە قوعام قايراتكەرى ىدىرىس قاليەۆتىڭ  ەسكەرتكىش ءبيۋستى اشىلادى. وسى كۇنى سول جاعالاۋدان سالىنعان كوپقاباتتى تۇرعىن ۇيلەردىڭ پاتەر كىلتىن تابىستاۋ راسىمدەرى جۇزەگە اسىرىلادى.

26 قىركۇيەك كۇنى مەرەكەگە تارتۋ رەتىندە قىزىلوردا قالاسى جانە بارلىق اۋدانداردىڭ قاتىسۋىمەن بيىلعى جىلدىڭ العاشقى اۋىلشارۋاشىلىعى ونىمدەرىنىڭ جارمەڭكەسى ارنايى بەلگىلەنگەن ورىنداردا وتەدى. 

ءماجىلىس سوڭىندا قالا اكىمى سالا باسشىلارىنا جۇكتەلگەن تاپسىرمالاردى تياناقتى ورىنداپ، جۇيەلى ءارى قارقىندى جۇمىس ىستەۋدى جانە قالا كۇنىن تويلاۋدا ساقتىق شارالارىنىڭ قاتاڭ ساقتالۋىن تاپسىرىپ، بارلىعى تىكەلەي ءوز باقىلاۋىندا بولاتىندىعىن جەتكىزدى.

 

سوڭعى جاڭالىقتار

ۇقساس جاڭالىقتار