ايماقتار • 18 قىركۇيەك، 2020

وبلىس اكىمى سىرداريا اۋدانىنا بولدى

36 رەت كورسەتىلدى

بۇگىن وبلىس اكىمى گۇلشارا ابدىقالىقوۆا جۇمىس ساپارىمەن سىرداريا اۋدانىنا باردى، دەپ حابارلايدى Egemen.kz.

الدىمەن ايماق باسشىسى ايتەك سۋ تورابىنىڭ جۇمىسىمەن تانىستى. سىرداريا وزەنىندەگى "ايتەك" سۋ تورابى 2004 جىلى "سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ" جوباسى اياسىندا سالىنىپ، پايدالانۋعا بەرىلگەن. نەگىزگى ماقساتى – سىرداريا وزەنىنىڭ اعىنىن رەتتەۋگە، سىرداريا جانە جالاعاش اۋداندارىنىڭ 16 مىڭ گەكتار سۋارمالى جەرلەرىن سۋمەن قامتاماسىز ەتۋ. قۇرىلعى سەكۋندىنا 750 تەكشەمەتر سۋ وتكىزەدى. بىراق، ساراتس-1 جوباسى شەڭبەرىندە سالىنعان سۋ تورابى سوڭعى جىلدارى سىر بەرە باستاعان. 

قازىر "ايتەك" سۋ تورابى اۆاريالىق جاعدايدا. وڭ جاعالاۋدى شايىپ كەتۋ قاۋپى بار. وسىعان وراي، جوبا-سمەتالىق قۇجاتتار ازىرلەنىپ، ەكولوگيا، گەولوگيا تابيعي رەسۋرستارى مينيسترلىگى ارقىلى ءتيىستى قارجى ءبولىندى. ەندىگى ماقسات قاراجاتتى دۇرىس يگەرىپ، سۋ تورابىن قالىپقا كەلتىرۋ جۇمىستارىن ساپالى جۇرگىزۋىمىز كەرەك،  دەدى گۇلشارا ابدىقالىقوۆا.

ايماق باسشىسى اۋدان اكىمى تالعات دۇيسەباەۆقا سۋ تورابىندا كۇردەلى جوندەۋدى باستاۋ ماقساتىندا ءتيىستى شەشىمدەر قابىلداپ ۋاقىتىلى ورىنداۋدى تاپسىردى.

سونداي-اق، ءوڭىر باسشىسى اقجارما اۋىلىنداعى "اۋىل – ەل بەسىگى" باعدارلاماسى اياسىندا اتقارىلىپ جاتقان جۇمىستاردى تەكسەرىپ، "اقجارما" فەرمەرلىك قوجالىعىنىڭ كۇرىش تازالاۋ قۇرىلعىسىن كوردى.

اتالعان مەملەكەتتىك باعدارلاما اياسىندا ەلدى مەكەننىڭ جالپى ۇزىندىعى 13،6 شاقىرىم بولاتىن 9 كوشەسىن ورتاشا جوندەۋگە 614،64 ملن تەڭگە ءبولىندى. مۇنىمەن قوسا، اۋىلىنىڭ 4 كوشەسىن جارىقتاندىرۋعا، 3 كوشەسىنە تەمىر بەتوندى لوتوك ورناتۋعا قارجى ءبولىنىپ، جۇمىستار جۇرگىزىلۋدە. ءتيىستى جۇمىستاردى "سىر جولدارى" جشس اتقارۋدا. ايماق باسشىسى اۋدان اكىمى مەن مەردىگەرگە جوندەۋ جۇمىستارىن تەزدەتىپ اياقتاۋدى جانە ساپالى ورىنداۋدى تاپسىردى.

«اقجارما 2» فەرمەرلىك قوجالىعى "قاراپايىم زاتتار ەكونوميكاسى" باعدارلاماسى اياسىندا 56 ملن تەڭگە نەسيە العان. چەحيادان ارنايى قۇرىلعى اكەلىپ، كۇرىش تازالايتىن زاۋىتتى ىسكە قوستى. قازىر زاۋىت ءوز تيىمدىلىگىن كورسەتىپ تۇر. اپپارات ساعاتىنا 50 توننا استىقتى تازارتادى. شارۋاشىلىقتى ءارتاراپتاندىرۋ ارقىلى 2023 جىلعا دەيىن كۇرىش اقتايتىن زاۋىت، پاستەرلەنگەن ءسۇت زاۋىتى، جىلىجاي جانە كوكونىس قويماسىن سالۋدى جوسپارلاپ وتىر. 

ساپار سوڭىندا وبلىس اكىمى اۋداننىڭ كۇزگى دالا جۇمىستارىمەن تانىستى. اتاپ ايتقاندا، شاعان اۋىلىنداعى "شاعان جەر" جشس-نىڭ №1 وندىرىستىك بريگاداسىنىڭ ەگىس القابىنا جانە ناعي ءىلياسوۆ اۋىلىنداعى «ماعجان ي ك» جشس-ءنىڭ استىق تازالاۋ قىرمانىنا باردى.

"شاعان جەر" جشس 2004 جىلى قۇرىلعان. نەگىزگى باعىتتارى – ەگىن ەگۋ جانە مال شارۋاشىلىعى ونىمدەرىن ءوندىرۋ. شارۋاشىلىقتا 350 ادام جۇمىسپەن قامتىلعان. اۋىل شارۋاشىلىعى جەرى – 16439 گەكتار.

ال، ناعي ءىلياسوۆ اۋىلىنداعى "ماعجان ي ك" جشس-ءنىڭ استىق تازالاۋ قىرمانى ساعاتىنا 5 توننا كۇرىش تازالايدى. ەكى اۋىسىمنان 40 ادام جۇمىس ىستەيدى. وبلىس اكىمى جۇمىسشىلارمەن دە كەزدەستى. سۋشى ارىسبەك باينازاروۆ مەملەكەتتەن جەڭىلدەتىلگەن نەسيە الىپ، مال باسىن كوبەيتىپ وتىرعانىن ايتتى. بيىل ەگىنى بىتىك بولىپ، 80 تسەنتنەردەن جوعارى ءونىم العان. ال بريگادير شۋحرات بيزاحوۆ ون جىلدان بەرى 70-75 تسەنتنەردەن ءونىم الىپ كەلە جاتقانىن جەتكىزدى. ونىڭ ايتۋىنشا، جۇمىسشىلاردىڭ ءوتىنىشى بويىنشا شارۋاشىلىق ولارعا جەم-شوپتەرىن تەگىن بەرىپ جاتىر.

ايماق باسشىسى اۋدان اكىمىنە ەگىن جۇمىستارىن 15 قازانعا دەيىن اياقتاۋدى جانە جىلۋ ماۋسىمىنا دايىندىق جۇمىستارىن پىسىقتاۋدى تاپسىردى.

قازىرگى باستى ماسەلەلەر ەگىن جيناۋ ناۋقانى مەن قىسقى مەزگىلگە دايىندىق. سوندىقتان اۋدانداردى ارالاپ، كۇزگى ەگىن جيناۋ ناۋقانىنىڭ قالاي ءوتىپ جاتقانىن، جىلۋ ماۋسىمىنا دايىندىق جۇمىستارىن تەكسەرەتىن بولامىز. جالپى اۋداندا بۇگىنگى تاڭدا 30 پايىز ەگىن جينالعان. بۇل جۇمىستار ۋاقىتىلى بىتەدى دەپ جوسپارلانۋدا. ال، اۋداندىق اۋرۋحانانىڭ جىلۋ جۇيەلەرىندە بىرقاتار ماسەلەلەر بولعان. بۇگىنگى تاڭدا جوندەۋ جۇمىستارى جۇرگىزىلۋدە. قازاندىقتى اۋىستىرىپ، جىلۋ قۇبىرلارىن جاڭارتۋ 10 قازانعا دەيىن ءبىتۋى كەرەك، دەدى وبلىس اكىمى.

 

 

سوڭعى جاڭالىقتار

ۇقساس جاڭالىقتار