ايماقتار • 18 قىركۇيەك، 2020

مەديتسينالىق مەكەمەلەرگە جەدەل جاردەم كولىگى بەرىلدى

18 رەت كورسەتىلدى

قىزىلوردا وبلىسىنىڭ مەديتسينالىق مەكەمەلەرى جاڭا جەدەل جاردەم كولىكتەرىن الدى. بۇعان دەيىن وبلىسقا ءوجج اپپاراتتارى، پۋلسوكسيمەترلەر جانە وتتەگى كونتسەنتراتورلارى بار گۋمانيتارلىق جۇك كەلگەن ەدى، دەپ حابارلايدى  Egemen.kz

بۇل كومەك «سامۇرىق-قازىنا» اق مەن دەنساۋلىق ساقتاۋ مينيسترلىگى اراسىنداعى ىنتىماقتاستىق تۋرالى مەموراندۋم اياسىندا جەتكىزىلىپ وتىر. "سامۇرىق-قازىنا" اق كومپانيالار توبى قايىرىمدىلىعىنىڭ بىرىڭعاي وپەراتورى – "Samruk-Kazyna Trust" الەۋمەتتىك جوبالاردى دامىتۋ قورى قاجەتتى جابدىقتاردى ساتىپ الىپ، ولاردى وڭىرلەرگە جىبەردى.

وسىلايشا وبلىسقا 20 وتتەگى كونتسەنتراتورى، 50 پۋلسوكسيمەتر جانە ءبىر وكپەنى جاساندى جەلدەتۋ اپپاراتى ء(وجج) جەتكىزىلدى. سونداي-اق، Shevrolet Damas ماركالى 4 جەدەل جاردەم كولىگى كەلدى.

"قارماقشى اۋداندىق اۋرۋحاناسىنا جەتكىزىلگەن مەديتسينالىق كولىك حالىق يگىلىگى ءۇشىن جۇمىس ىستەيتىن بولادى. وسىنىڭ ارقاسىندا جەدەل جاردەم بولىمىنە كەلىپ تۇسكەن شۇعىل شاقىرۋلارعا ۋاقىتىلى قىزمەت كورسەتۋ مۇمكىندىگى ارتادى. دارىگەرلەردىڭ جۇمىسىنا كومەك كورسەتۋ - حالىقتىڭ دەنساۋلىعىن جاقسارتۋدا ۇلكەن قولداۋ دەپ ەسەپتەيمىن"، دەدى اتاپ ءوتتى قارماقشى اۋداندىق اۋرۋحاناسىنىڭ باس دارىگەرى باقىتجان نىسانباەۆ.

مەموراندۋم اياسىندا ەلىمىزدەگى دەنساۋلىق ساقتاۋ جۇيەسىنە 100 جەدەل جاردەم كولىگى، 1 000 وتتەگى كونتسەنتراتورى، 50 ءوجج اپپاراتى، 1 000 پۋلسوكسيمەتر جەتكىزىلەتىن بولادى

"بۇل شارالاردىڭ بارلىعى ءبىزدىڭ مەديتسينامىزدىڭ جۇقپالى اۋرۋلارمەن، سونىڭ ىشىندە COVID-19 كوروناۆيرۋستىق ينفەكتسيامەن كۇرەسۋگە دايىندىق دەڭگەيىن ارتتىرۋعا جانە ۇلتتىق دەنساۋلىق ساقتاۋ جۇيەسىن نىعايتۋعا باعىتتالعان"، دەيدى "Samruk-Kazyna Trust" قورىنىڭ رەسمي وكىلى ميراس ىرگەباەۆ.

.

 

 

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار