قازاقستانداعى قالا اكىمدەرى قانداي كولىك ءمىنىپ ءجۇر؟

تۇركىستان قالاسىنىڭ اكىمى راشيد ايۋپوۆ 2008 جىلى شىققان Toyota Land Cruiser قىزمەتتىك كولىگىمەن جۇرەدى. اكىمدىكتىڭ مالىمەتىنشە, قازىر بۇل اۆتوكولىك كوروناۆيرۋستىق پاندەمياعا بايلانىستى قالالىق اۋرۋحاناعا ۋاقىتشا پايدالانۋعا بەرىلگەن. سوندىقتان قالا اكىمى 2015 جىلى شىققان جەكە اۆتوكولىگىمەن قىزمەتتە ءجۇر. ماشينانىڭ ماركاسى -  Toyota Corolla. 

نۇر-سۇلتان قالاسىنىڭ اكىمى التاي كولگىنوۆ 2018 جىلى شىققان قارا ءتۇستى Skoda Octavia ماركالى كولىكپەن ءجۇر. اكىمدىكتىڭ مالىمەتىنشە, 2018 جىلدىڭ قىركۇيەگىنەن باستاپ ەلوردا اكىمشىلىگىنىڭ قىزمەتكەرلەرىن تاكسي قىزمەتى تاسىمالدايدى, جوبا ءمجا اياسىندا جۇزەگە اسىرىلدى. اكىم ءمىنىپ جۇرگەن كولىكتى دە تاكسي قىزمەتى ۇسىنعان.

كوكشەتاۋ قالاسىنىڭ اكىمى امانگەلدى سمايىلوۆ Kia Mohave ماركالى اۆتوكولىگىمەن جۇرەدى, ءتۇسى - قارا مەتالل, 2013 جىلى شىققان. 

سەمەي قالاسىنىڭ اكىمى ەرماك ءسالىموۆتىڭ 2016 جىلى شىققان قارا ءتۇستى Toyota Camry قىزمەتتىك اۆتوكولىگى بار. 

پەتروپاۆل قالاسىنىڭ اكىمى بولات جۇمابەكوۆتى 2015 جىلى شىققان قارا مەتالل تۇستەس Kia Quoris اۆتوكولىگى تاسىپ ءجۇر. 

اقتاۋ قالاسىنىڭ اكىمى نۇرداۋلەت قيلىبايدىڭ قىزمەتتىك اۆتوكولىگى Toyota Land Cruiser Prado. قالا باسشىسى 2010 جىلى شىعارىلعان قارا ءتۇستى كولىكتى قۇپ كورىپتى. 

اتىراۋ قالاسىنىڭ اكىمى قايرات ورازباەۆ 2017 جىلى شىققان قارا ءتۇستى Toyota Camry قىزمەتتىك اۆتوكولىگىمەن جۇرەدى.

قاراعاندى اكىمى نۇرلان اۋباكىروۆ ءوزىنىڭ قارا Toyota Land Cruiser 200 كولىگىمەن جۇرەتىنىن ايتقان. اۆتوكولىك 2011 جىلعى ەكەن. 

وسكەمەن قالالىق اكىمدىگىنىڭ مالىمەتىنشە قالا باسشىسى جاقسىلىق ومار 2017 جىلى شىققان اق Toyota Camrۋ قىزمەتتىك كولىگىن قاناعات ەتىپ ءجۇر. 

ءۇشىنشى مەگاپوليستىڭ مەرى مۇرات ايتەنوۆتىڭ ءباسپاسوز قىزمەتى بەرگەن مالىمەتكە ساي, ول قارا ءتۇستى Lexus LX 570 قىزمەتتىك اۆتوكولىگىمەن جۇرەدى.  شىمكەنت اكىمىنىڭ قىزمەتتىك كولىگى 2011 جىلى شىققان. 

قىزىلوردا قالاسىنىڭ اكىمى نۇرلىبەك نالىباەۆ Kia Sorento كروسسوۆەرىن ءمىنىپ ءجۇر. ءتۇسى - قارا, شىعارىلعان جىلى-2019. اكىمدىكتىڭ مالىمەتىنشە, كولىك وبلىستىق مەملەكەتتىك م ۇلىكتەن بەرىلگەن.

قوستاناي اكىمى قايرات احمەتوۆ 2010 جىلى شىققان Lexus LX 570 قىزمەتتىك كولىگىمەن جۇرەدى. ونىڭ دا ءتۇسى قارا. بۇل اۆتوكولىك اكىمدىككە وتەۋسىز نەگىزدە "شارۋاشىلىق 2012" جشس-نە بەرىلدى, دەلىنگەن اكىمدىك بەرگەن اقپاراتتا. 

الماتى اكىمى باقىتجان ساعىنتاەۆ 2013 جىلى شىققان, قارا ءتۇستى Mەrcedes Benz S-Class اۆتوكولىگىمەن جۇرەدى. 

پاۆلودار قالاسىنىڭ اكىمى ەرجان يمانسليام جۇمىس ۋاقىتىندا KIA Quoris Premium+ ماركالى اۆتوكولىكپەن جۇرەدى, ءتۇسى-قارا مەتالليك, 2017 جىلى شىعارىلعان.

ال تالدىقورعان قالاسىنىڭ اكىمى عالىمجان ابدىرايىموۆقا 2018 جىلى شىققان سۇر ءتۇستى KIA Quoris اۆتوكولىگى بەكىتىلگەن. 

اكىمدىكتەردىڭ رەسمي جاۋابىنا قاراعاندا, قالا اكىمدەرى قارا قىزمەتتىك كولىككە قۇمار سياقتى.