ايتا كەتسەك, بۇعان دەيىن جوحار وتەبەكوۆ eGov.kz پورتالىن سىنعا العان ەدى. ونىڭ ايتۋىنشا "ەلەكتروندى ۇكىمەتكە" جۇكتەۋگە بولاتىن فايلدار بەسكە, ال كولەمى 10 مب-عا دەيىن ازايعان. ادۆوكاتتىڭ كليەنتى پوليتسياعا سالماقتى فايلدارعا سالىنعان ارىزىن ەنگىزە الماپتى.
سونىمەن بىرگە جوحار وتەبەكوۆ تج كەزىندە 42 500 تەڭگە الا الماي الەك بولعان ازاماتتاردىڭ ماسەلەسىن كوتەرىپ, نەلىكتەن سول تۇستا "ۇلتتىق اقپاراتتىق تەحنولوگيالار" كومپانياسىنىڭ باسشىسىن جۇمىستان شىعارىلماعانىن سۇراعان بولاتىن. ادۆوكاتتىڭ بۇل شاعىمىنا باعدات مۋسين Facebook پاراقشاسىندا جاۋاپ بەردى.
ونىڭ حابارلاۋىنشا eGov.kz بۇدان بىلاي ونلاين رەجيمدە مەملەكەتتىك قىزمەت كورسەتەتىن مونوپوليالىق تەرەزە بولمايدى. ياعني مەملەكەتتىك قىزمەتتى بۇدان بىلاي بارلىق جەردە, ءتىپتى كاسپي بانكتىڭ ءموبيلدى قوسىمشاسىنان دا الۋعا بولادى. جۋىق ارادا جۇمىس تولىققاندى رەتكە كەلتىرىلىپ, مينيسترلىك بۇل وزگەرىستەر تۋرالى مالىمەت تاراتپاق.
"سونداي-اق eGovMobile-عا كىرۋ بيومەتريا بويىنشا جۇرگىزىلەدى. ياعني كەز كەلگەن ازامات ءموبيلدى قوسىمشانى جۇكتەپ الىپ, تەلەفونعا ءجۇزىن كورسەتسە بولدى, قولدانۋشى بولىپ شىعا كەلەدى. ءتىپتى بۇل ءادىس ءوز تاراپىنان ەتسق-نى دا الماستىرۋعا قاۋقارلى. وتىنىشتەرمەن جۇمىس ىستەۋ ءادىسىن WhatsApp-قا ءماتىن جازعانداي جەڭىل ەتكىمىز كەلەدى", دەيدى ول.
ءمينيستردىڭ ايتۋىنشا "ۇلتتىق اقپاراتتىق تەحنولوگيالار" كومپانياسىنا ۇلكەن جاۋاپكەرشىلىك جۇكتەلگەن. الايدا بۇل باعىتتاعى قۇزىرەتتەردىڭ ءبىرشاماسى مينيسترلىكتەرگە بولىنگەن.
"جاڭعىرۋ كەرەكتىگىن بىلەمىز. سول باعىتتا جۇمىس تا جۇرگىزەمىز", دەيدى ول.
