سەكتسيا "تەڭ مۇمكىندىكتەر الەمى" قوعامدىق قورى جۇزەگە اسىراتىن "سالاماتتى بولاشاق" الەۋمەتتىك جوباسىنىڭ اياسىندا ىسكە قوسىلىپ وتىر. جوبا نۇر-سۇلتان قالاسىندا 2017 جىلدان بەرى جۇزەگە اسىرىلىپ كەلەدى. ال بيىل شىمكەنت قالاسى مەن باسقا دا وڭىرلەردە باستالدى.
جوبانىڭ اشىلۋ سالتاناتىنا - شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان, "تەڭ مۇمكىندىكتەر الەمى" قوعامدىق قورىنىڭ ديرەكتورى نۇرگۇل ۇلجەكوۆا, دارىگەر-رەابيتولوگ اينۇر نۇرقوجاەۆا, قالالىق دەنە شىنىقتىرۋ مەن سپورت باسقارماسىنىڭ وكىلدەرى, جاس سپورتشىلار مەن ولاردىڭ اتا-انالارى قاتىستى.
جوبانىڭ ماقساتى – ەلدە بەيىمدى دەنە شىنىقتىرۋ سالاسىن دامىتۋ, مۇمكىندىگى شەكتەۋلى بالالار مەن كوپ بالالى وتباسىلاردىڭ بالالارىنا ارنالعان بەيىمدى سپورت سەكتسيالار جۇيەسىن قۇرۋ.
ەندى شىمكەنتتەگى بتسپ, اۋتيزم جانە داۋن سيندرومى سەكىلدى دياگنوزى بار بالاقايلار دا بەيىمدى فۋتبول, ءجۇزۋ, تاەكۆوندا جانە بوچچا ۇيىرمەلەرىنە تەگىن قاتىسا الادى.
جوبا باس سەرىكتەس – "Samruk Kazyna Trust" الەۋمەتتىك جوبالار قورىنىڭ قولداۋىمەن جۇزەگە اسىرىلىپ كەلەدى. شىمكەنتتەگى جوباعا Nur Otan پارتياسى, "قاسيەتتى جول – شىمكەنت" وڭالتۋ ورتالىعى سەكىلدى الەۋمەتتىك سەرىكتەستەر مەن جەرگىلىكتى اتقارۋشى ورگاندار دا قولداۋ كورسەتۋدە.
