سەۋلدىڭ وڭتۇستىگىندە ورنالاسقان كۆانميون قالاسىنداعى زاۋىتتا 8 جۇمىسشى ۆيرۋس جۇقتىرعان. وسىعان بايلانىستى Kia Motors جۇمىستى ۋاقىتشا توقتاتا تۇرۋعا شەشىم قابىلداپتى. وسىلايشا 6 مىڭ ادام ەڭبەك ەتەتىن 2 قۇراستىرۋ كونۆەيەرىندەگى بارلىق جۇمىسشىلار ۇيلەرىنە قايتارىلىپ, زاۋىتتا زارارسىزداندىرۋدى باستاعان كومپانيا باسشىلىعى جۇمىستىڭ قايتا جاندانۋى كارانتيندى بەلگىلەيتىن ورگاندارمەن كەڭەسىپ بارىپ شەشىلەتىنىن جەتكىزگەن.
ونسىز دا پاندەميا قىرسىعىنان سوڭعى 11 جىلدىڭ ىشىندەگى ەڭ از كولىك شىعارۋىنان قولايسىزدىق سەزىنىپ وتىرعان Kia Motors ء ۇشىن بۇل جايتتىڭ وڭايعا سوقتايتىنى تۇسىنىكتى.
ايتا كەتۋ كەرەك, سوڭعى تاۋلىكتە وڭتۇستىك كورەيادا 153 ادام جاڭادان ۆيرۋس جۇقتىرىپ, ونىڭ 145-ءى ەل ىشىندە, ال قالعانى سىرتتان, شەتەلدەن كەلگەن اۋرۋ ەكەنى انىقتالعان.
