سالىق جانە كەدەن زاڭناماسىن جەتىلدىرۋدەگى اعىمداعى ماسەلەلەردى تالقىلاۋ, مەملەكەت پەن بيزنەستىڭ ءوزارا ءىس-قيمىل فورماتىن قۇرۋدىڭ كەزى كەلگەنىن العا تارتتى.
ايتا كەتۋ كەرەك, بۇل شارا "Protecting Business and Investments" جوباسى شەڭبەرىندە ءوتتى. سىرتقى ىستەر مينيسترلىكتەرى مەن ينۆەستيتسيالار جانە دامۋ مينيسترلىگى اراسىنداعى مەموراندۋم اياسىندا قۇرىلعان "بيزنەستى جانە ينۆەستيتسيالاردى قورعاۋ" جوباسى ەل ەكونوميكاسىنا ينۆەستيتسيالاۋ پروتسەسىن جەڭىلدەتۋ, سونداي-اق بيۋروكراتيالىق پروتسەدۋرالار مەن سىبايلاس جەمقورلىقتىڭ الدىن الۋ ماقساتىندا بيزنەستى سىبايلاس جەمقورلىققا قارسى قولداۋ بويىنشا جۇمىس ىستەيدى.
الماتىداعى سىرتقى ىستەر مينيسترلىگى وكىلدىگىنىڭ باسشىسى ە.ىسقاقوۆ قازاقستاندا شەتەلدىك كومپانيالار ءۇشىن قولايلى ينۆەستيتسيالىق احۋال قالىپتاسقانىن, جەڭىلدەتىلگەن سالىق رەجيمى, ۇلتتىق زاڭنامالار ۇنەمى جەتىلدىرىلىپ, ينۆەستيتسيالىق پرەفەرەنتسيالار پاكەتى بەيىمدەلىپ, تۇراقتى تۇردە ۆيزالىق رەجيمدى جەڭىلدەتۋ بويىنشا ءبىراز تىرلىكتىڭ باسى قايىرىلعانىن حابارلاپ, فورۋم قوناقتارىنىڭ جۇمىسىنا ساتتىلىك تىلەدى.
الماتى قالاسى بويىنشا مەملەكەتتىك كىرىستەر دەپارتامەنتىنىڭ باسشىسى ا.بەكبەرديەۆ سالىقتىق جانە كەدەندىك اكىمشىلەندىرۋدى جەتىلدىرۋگە, سونداي-اق پرەفەرەنتسيالىق ماعىنانىڭ جاڭا قۇرالدارىن جاساۋعا نازار اۋدارا وتىرىپ, فيسكالدىق ساياساتتا بولىپ جاتقان وڭ ۇردىستەردى اتاپ وتسە, سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ن.ساپاروۆ سوڭعى ۋاقىتتا شاعىن جانە ورتا بيزنەستى قورعاۋ ماسەلەسىندە بولعان جاعىمدى وزگەرىستەردى بەلگىلەپ, ۆەدومستۆونىڭ ينۆەستيتسيالىق الاڭنىڭ سىبايلاس جەمقورلىققا قارسى كۇرەستەگى قادامدارىن تۋرالى جينالعانداردى حاباردار ەتتى. كەز كەلگەن كومپانياعا پرەسپەكتيۆالى سالانىڭ, وتكىزۋ نارىقتارىنىڭ بولۋى عانا ەمەس, بيزنەس ءۇشىن قولايلى ورتانىڭ بولۋى دا ماڭىزدى ەكەنى سپيكەردىڭ نازارىنان تىس قالمادى.
الماتى ينۆەستكليمات بويىنشا جەتەكشى ورىنعا يە. دۇنيەجۇزىلىك بانكتىڭ ۇلتىشىلىك رەيتينگىسىندە الماتى بيزنەستى جۇرگىزۋ جەڭىلدىگى بويىنشا قازاقستاننىڭ بارلىق ءوڭىرى اراسىندا ءبىرىنشى ورىندا تۇر.
وتكەن جىلدىڭ سوڭىندا Fitch اگەنتتىگى الماتىعا ۆۆۆ نەسيەلىك رەيتينگىن – قازاقستاننىڭ دەربەس رەيتينگ دەڭگەيىن بەردى, بۇل ينۆەستيتسيا ءۇشىن تاۋەكەلدىڭ تومەنگى دەڭگەيىن بىلدىرەدى. ءىس جۇزىندە قازاقستانداعى ەڭ ۇزدىك بيزنەس-كليمات الماتىدا ەكەنىن ساراپشىلاردىڭ ءبارى مويىندايدى. سونىمەن قاتار ورتالىق ازياداعى وزگە بىردە-ءبىر مەگاپوليس مۇنداي حالىقارالىق نەسيەلىك رەيتينگكە يە ەمەس.
"شاعىن بيزنەس جونىندەگى حالىقارالىق كەڭەستىڭ (ICSB) مالىمەتتەرى بويىنشا الەمدەگى شوب بارلىق كاسىپورىنداردىڭ 90% -دان استامىن قۇرايدى, جالپى جۇمىسپەن قامتىلعانداردىڭ ورتا ەسەپپەن 70% جانە ءجىو-ءنىڭ 50% قۇرايدى. وسى تۇرعىدا ازاماتتاردىڭ ءال-اۋقاتى ناقتى جەكە سەكتورداعى جاعدايعا بايلانىستى بولاتىندىعىن ناقتى ءتۇسىنۋ كەرەك. بۇعان سالىقتىق تۇسىمدەر, جۇمىس ورىندارىن قۇرۋ, جاڭا تەحنولوگيالار جانە ادامي كاپيتالدى دامىتۋ كىرەدى. ءبىر سوزبەن ايتقاندا, بيزنەس مەملەكەتكە حالىق الدىنداعى الەۋمەتتىك مىندەتتەمەلەرىن ورىنداۋعا كومەكتەسەدى. بيزنەستىڭ ءتيىمدى جاعدايلارىن نەعۇرلىم ءتيىمدى جاساساق, سوعۇرلىم ول جەمىستى جۇمىس ىستەپ, قوعامعا پايدا اكەلەدى", دەپ اتاپ ءوتتى سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ن.ساپاروۆ.
الماتى قالاسى سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ءبىرىنشى ورىنباسارى د. تاۋمۇرات بيزنەسپەن جۇمىس جاساۋ ء"بىر جاقتى ويىن" بولماۋى كەرەك ەكەنىنە توقتالىپ ءوتتى. مەملەكەتتىك ورگاندارمەن ءوزارا ارەكەتتەسۋ كەزىندە زاڭسىز ارەكەتتەردىڭ باستاماشىسى كاسىپكەرلەردىڭ وزدەرى بولاتىن جاعدايلار كەزدەسىپ قالاتىنىن دا جاسىرمادى.
"بۇل باعىتتا كاسىپكەرلەردىڭ ءوز ساناسىن وزگەرتۋ ماڭىزدى. قوعامدا قۇقىقتىق مادەنيەتتى قالىپتاستىرۋ, ادالدىق جانە سىبايلاس جەمقورلىق كورىنىستەرىنە مۇلدەم توزبەۋشىلىك قاعيداتتارىن قالىپتاستىرۋ قاجەت. سوندىقتان, كاسىپكەرلەردىڭ ساناسىندا ءوز قۇقىقتارىن قورعاۋعا, ولاردى قۇقىقتىق قورعاۋدا مەملەكەت كەپىلدىك بەرگەن بارلىق قۇرالدار مەن شارالاردى جۇزەگە اسىرۋعا دەگەن ۇمتىلىستى قالىپتاستىرۋ قاجەت", دەپ ءسوزىن تۇيىندەدى د. تاۋمۇرات.
"قازاق ينۆەست" ۇك" اق ايماقتىق ديرەكتورى د.باليەۆ قاتىسۋشىلاردى ينۆەستيتسيالىق جوبالاردى تارتۋ مەن باقىلاۋ جاڭا الگوريتمدەرىمەن, رەسپۋبليكاعا ينۆەستيتسيا تارتۋ قولدانىستاعى الەۋەتىمەن جانە ينۆەستورلارعا بارىنشا كومەك كورسەتۋ مۇمكىنشىلىكتەرىمەن تانىستىردى.
فورۋم شەڭبەرىندە قاتىسۋشىلار سالىقتىق جانە كەدەندىك اكىمشىلەندىرۋ سالاسىنداعى سۇراقتار بويىنشا بەتپە-بەت پىكىر الماسۋ مۇمكىنشىلىگىن پايدالانا وتىرىپ, ينۆەستيتسيالىق كوپجاقتى ءوزارا ءىس-قيمىلدى دامىتۋعا ۇلكەن الەۋەتتىڭ بار ەكەنىن كورسەتتى. بۇل جولعى فورۋمنىڭ ناتيجەسى قاتىسۋشىلار قاتارىنان جۇمىس توبىن قۇرۋ باستاماسى بولدى.
ونىڭ مۇشەلەرىنە جوبالاردى باسقارۋدى جەدەل قارقىنمەن جۇزەگە اسىرۋعا, پاندەميا مەن كارانتيننەن كەيىنگى كەزەڭنەن تۋىنداعان جاعدايلاردى ەسكەرە وتىرىپ, جەدەل سيپاتتاعى ماسەلەلەردى شەشۋگە مۇمكىندىك بەرەدى.
ءىس-شارا باس مەملەكەتتىك سانيتارلىق دارىگەر قاۋلىلارىنا سايكەس الەۋمەتتىك قاشىقتىقتى ساقتاۋ جانە جەكە قورعانىس قۇرالدارىن پايدالانۋ ەسەبىمەن ءوتتى.
الماتى
