جانسەيىت قانسەيىت ۇلى ەل دامۋىنا ەلەۋلى ۇلەس قوسىپ, اقپارات ايدىنىندا وقىرمان جانە تىڭدارمان حالىقتىڭ سۇرانىسىنا ساي, جەدەل ءارى شىنايى اقپارات تاراتقان بىرقاتار وتاندىق باسىلىمدار مەن تەلەارنالار باسشىلارىنىڭ تىنىمسىز ەڭبەگىنە العىس ءبىلدىردى. سونداي-اق, ول اقپارات قۇرالدارىنىڭ ەل ىنتىماعى مەن تاتۋلىعىن دارىپتەگەن قازاقستان حالقى اسسامبلەياسىنىڭ جۇمىسىنىڭ ماڭىزدىلىعىن حالىققا جەتكىزۋدە ەرەكشە رولگە يە ەكەندىگىن دە اتاپ ءوتتى.
قابىلداۋعا "ەگەمەن قازاقستان" رەسپۋبليكالىق گازەتى" اق باسقارما توراعاسى دارحان قىدىرالى, "كازاحستانسكايا پراۆدا" رەسپۋبليكالىق گازەتى" اق باسقارما توراعاسى ۆياچەسلاۆ پاششەنكو, "كازاحستانسكايا پراۆدا" رەسپۋبليكالىق گازەتى" اق باسقارما توراعاسىنىڭ ورىنباسارى سابيت مالدىباەۆ, "حابار" اگەنتتىگى اق باسقارما توراعاسى ەرلان بەكحوجين قاتىستى.
ج.تۇيمەباەۆ كەزدەسۋگە ارنايى شاقىرىلعان اقپارات قۇرالدارىنىڭ باسشىلارىن قازاقستان رەسپۋبليكاسىنىڭ كونستيتۋتسياسىنىڭ جانە قازاقستان حالقى اسسامبلەياسىنىڭ 25 جىلدىق مەرەيتويلارىنا وراي مەرەيتويلىق مەدالدارمەن ماراپاتتادى.
