رۋحانيات • 16 قىركۇيەك، 2020

قوجا احمەت ياساۋي كەسەنەسىندە زەرتتەۋ-ساراپتاۋ جۇمىستارى جۇرگىزىلۋدە

66 رەت كورسەتىلدى

قازاق قۇرىلىس جانە ساۋلەت عىلىمي-زەرتتەۋ ينستيتۋتىنىڭ عالىمدارى قوجا احمەت ياساۋي كەسەنەسىندە زەرتتەۋ-ساراپتاۋ جۇمىستارىن جۇرگىزىپ جاتىر، دەپ حابارلايدى Egemen.kz

مادەنيەت جانە سپورت مينيسترلىگىنىڭ ۇيىمداستىرۋىمەن قولعا الىنعان جۇمىستىڭ ماقساتى – ورتا عاسىرلىق ساۋلەت ونەرىنىڭ كورنەكتى ەسكەرتكىشى قوجا احمەت ياساۋي كەسەنەسىنىڭ قابىرعالارى مەن قۇرىلىس ماتەريالدارىن جانە ورتا ازياداعى تەڭدەسسىز جادىگەرلەردىڭ بىرەگەيى، ءارى كىرپىشتەن ورگەن ەڭ ۇلكەن كۇمبەزدىڭ تەحنيكالىق جاعدايىن ساراپتاۋدان وتكىزىپ، سان عاسىرلىق نىساننىڭ قۇرىلىس جاعدايىنا باقىلاۋ جۇرگىزۋ، تابيعاتتىڭ توسىن اسەرلەرى مەن ءتۇرلى فاكتورلاردان بولعان كەمشىلىكتەردى انىقتاۋ، كەسەنەنى ساقتاپ قالۋ.

وسى ورايدا، قازاق قۇرىلىس جانە ساۋلەت عىلىمي-زەرتتەۋ ينستيتۋتى جانىنان عالىمدار مەن عىلىمي مامانداردان قۇرالعان ساراپشىلار توبى قۇرىلىپ، كەسەنە ىرگەتاسىنان باستاپ كۇمبەزگە دەيىن ساراپتاۋ جۇمىستارىن جۇرگىزۋدە.

1

"قازىرگى تاڭدا تاڭداۋلى عالىمدار مەن ماماندار قوجا احمەت ياساۋي كەسەنەسىنىڭ قۇرىلىس ماتەريالدارىنىڭ جارامدىلىعى مەن توزىمدىلىگىن، ءتۇرلى ىشكى جانە سىرتقى اسەرلەردىڭ سالدارىنان زيان كەلگەن نەمەسە جۇمىس جۇرگىزىلۋى ءتيىس ايماقتاردى انىقتاپ، ءوز ۇسىنىستارىن دايارلايدى. قازىرگى انىقتاۋىمىز بويىنشا كەسەنەنىڭ ىرگەتاسى بەرىك، ءوز قالپىن مىقتاپ ساقتاپ تۇر. بۇل باعىتتا جۇرگىزىلگەن رەستاۆراتسيا جۇمىستارى دا ءوزىنىڭ وڭ ناتيجەسىن بەرگەنىن ايتۋعا بولادى. ال قۇرىلىس عيماراتىنىڭ قابىرعالارى مەن ءتۇرلى بولىكتەرىنىڭ سەيسميكاعا جانە وزگە دە جاعدايلارعا توزىمدىلىگىن ارنايى قۇرىلعىلار ارقىلى انىقتاۋ ۇستىندەمىز. الىنعان تالدامالاردىڭ ناقتى شەشىمى الماتى قالاسىنداعى ورتالىقتا ءتيىستى عالىمداردىڭ باس قوسۋىنان كەيىن قابىلدانىپ، ناتيجەسى بەلگىلى بولادى. كەسەنەنىڭ قۇرىلىس توزىمدىلىگى تۋرالى قازىر ايتۋ ەرتە"، دەدى قازاق قۇرىلىس جانە ساۋلەت عىلىمي-زەرتتەۋ ينستيتۋتىنىڭ وكىلى سىرىمبەك ەرجانوۆ.

ال "ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ ديرەكتورى نۇربولات احمەتجانوۆتىڭ ايتۋىنشا، قوجا احمەت ياساۋي كەسەنەسىن كۇتىپ-ساقتاۋ ماقساتىندا ءتۇرلى شارالار اتقارىلىپ كەلەدى. بىلتىر يۋنەسكو حالىقارالىق ۇيىمىنىڭ ماماندارى دا كەسەنەنىڭ قۇرىلىس جاعدايىنا تالداۋ جۇرگىزگەن. بيىل دا الەم مۇراجايلارىندا 1 000-نان استام تاريح جانە مادەنيەت، ەجەلگى قولدانبالى ونەر ەسكەرتكىشتەرىن قالپىنا كەلتىرگەن بەلگىلى رەستاۆراتور قىرىم التىنبەكوۆ، "قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى" اكتسيونەرلىك قوعامى باس ديرەكتورىنىڭ كەڭەسشىسى، عالىمدار كەڭەسىنىڭ توراعاسى سىرىمعالي ەرجانوۆ، وزگە دە عالىم-ماماندار ساراپتاۋ جۇمىستارىن جۇرگىزىپ جاتقانىن اتاپ ءوتتى.

1

"ادام بالاسى دا  دارىگەرلىك تەكسەرۋدەن ءوتىپ تۇرماسا، قاي جەرىنىڭ سىرقاتى بارىن سەزبەۋى دە مۇمكىن. سول سەكىلدى تاريحي عيماراتىمىزدى دا تولىقتاي زەرتتەۋدەن وتكىزىپ تۇرۋدىڭ ماڭىزى زور"، دەدى "ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ ديرەكتورى نۇربولات احمەتجانوۆ.

قازقايتاجاڭارتۋ" كاسىپورنىنىڭ ديرەكتورى قانات تۇياقباەۆتىڭ ايتۋىنشا اتالعان ماماندارمەن جۇرگىزىلگەن جۇمىس جالعاسا بەرەدى. الداعى ۋاقىتتا كەسەنەگە زياندى اسەر بەرەتىن جەر تەربەلىسى، ءتۇرلى سىلكىنىستەردىڭ كورسەتكىشىن باقىلايتىن قۇرىلعىلار قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى ارقىلى دا باقىلاناتىن بولادى.

ايتا كەتەرلىگى، قوجا احمەت ياساۋي كەسەنەسى — اسا ۇلكەن پورتالدى كۇمبەزدى قۇرىلىس. ونىڭ ەنى — 46،5 م، ۇزىندىعى — 65 م. عيماراتتىڭ وراسان زور پورتالى (ەنى — 50 مەترگە جۋىق، پورتالدىق اركاسىنىڭ ۇزىندىعى — 18،2 م) جانە بىرنەشە كۇمبەزى بار. ونىڭ ورتالىق زالىنىڭ توڭىرەگىنە ءتۇرلى ماقساتقا ارنالعان 35 بولمە سالىنعان. جاماعاتحانا كۇمبەزىنىڭ ۇشار باسىنا دەيىن ەسەپتەگەندەگى عيماراتتىڭ بيىكتىگى — 37،5 مەتر. سىرتقى قابىرعالاردىڭ قالىندىعى — 1،8—2 م، قازاندىق قابىرعالارىنىڭ قالىندىعى — 3 مەتر. جالپى تۇرقى سيممەتريالى، جەكە بولشەكتەرى — اسسيمەتريالى بولىپ كەلەتىن بۇل ءزاۋلىم عيمارات 8 ءتۇرلى بولمەلەر توبىنان تۇرادى.

سوڭعى جاڭالىقتار

قازاقستاندا دوللار ارزاندادى

ەكونوميكا • بۇگىن، 11:40

ء"تىل قورعاندارى" توبى قۇرىلدى

رۋحانيات • بۇگىن، 09:45

جۇرت جارمەڭكەنى كۇتۋدە

ايماقتار • بۇگىن، 08:26

قىستان قىسىلماۋ ءۇشىن

قوعام • بۇگىن، 08:25

«بەتپەردەلى» پەندەلەر

رۋحانيات • بۇگىن، 08:05

شىنىقتىرۋدىڭ شەبەرى

قوعام • بۇگىن، 08:03

قازاقتىڭ پەيىلىنە قايران قالام!..

رۋحانيات • بۇگىن، 07:37

COVID-19: قاي ەلدەردە ساقتاندىرۋ بار؟

كوروناۆيرۋس • بۇگىن، 07:31

مۇراعاتتار مۇڭ شاعادى

قوعام • بۇگىن، 07:30

ساحنانىڭ ءسانى كىردى

ونەر • بۇگىن، 07:26

دياس جارىستان شىعىپ قالدى

تەننيس • بۇگىن، 07:22

يتالياعا بەت الدى

سپورت • بۇگىن، 07:21

ەستافەتا باعىتى جاريالاندى

سپورت • بۇگىن، 07:19

اۋىلدا پالما اعاشى وسەدى

وقيعا • بۇگىن، 07:14

قارامەڭدىدەگى قارتتار ورتالىعى

ايماقتار • بۇگىن، 07:13

العاشقى دەبات ءوتتى

الەم • بۇگىن، 07:12

«اقىلدى» ايماقتار

تەحنولوگيا • بۇگىن، 07:04

ۇقساس جاڭالىقتار