مەديتسينا • 16 قىركۇيەك، 2020

جاساندى ينتەللەكت ىندەتكە شالدىققانداردى ەمدەۋگە سەپتەسەدى

14 رەت كورسەتىلدى

بۇل كۇندەرى مەگاپوليس ىندەتتىڭ ەكىنشى تولقىنىن بولدىرماۋ ءۇشىن بارلىق امالداردى قاراستىرىپ وتىر. بۇعان دەيىن دە الماتى اقپاراتتىق تەحنولوگيالار كومەگىمەن كوروناۆيرۋس جۇقتىرعانداردى جىلدام انىقتايتىن باعدارلاما جاساۋعا ۇمتىلعانىن جاريالاعان ەدىك.

ەندىگى جەردە الماتى قالالىق قوعامدىق دەن­ساۋلىق باسقارماسى، تسيفر­لاندىرۋ باسقارماسى مەن iMedHub كومپانياسى بىرىگىپ، قاناتقاقتى جوبادا ينتەللەكت الگوريتمى نەگىزىندە كوروناۆيرۋس ينفەكتسياسىمەن وكپەنىڭ زاقىمدانۋىن ەرتە كەزەڭدە انىقتاۋعا مۇمكىندىك بە­رەتىن جۇيەنى ىسكە قوستى. كوم­پيۋتەرلىك توموگرافيا كەزىندە بۇلتتى قويماعا جىبەرۋگە مۇمكىندىك بە­رەتىن PACS جۇيەسى ورنالاستىرىلدى، ول جەردە وڭدەۋ، اناليتيكا جۇرگىزىلەدى جانە سيپاتتاما قوسىلادى.

قازىرگى ۋاقىتتا «iMedHub مەديتسيناسى جانە نەيروندىق جەلى» جوباسى №1 قالالىق ەمحانادا جانە №7 قالالىق كلينيكالىق اۋرۋحانادا اقپاراتتىق جۇيەلەرمەن بىرىكتىرىلگەن، سونداي-اق جاقىن ارادا 56 ەمحانانى قوسۋ جوسپارلانىپ جاتقان جايى بار. سونىمەن قاتار №29 قالالىق ەمحانادا جانە №18 قالالىق ەمحانادا ينتەگراتسيالاۋ بويىنشا قاناتقاقتى جۇمىستار جۇر­گىزىلۋدە.

«iMedHub مەديتسيناسى جانە نەيروندىق جەلى» جوباسى ورتالىق ستانسادان قاشىقتان جەدەل ارەكەت ەتۋ مۇمكىندىگى بار احۋالدىق ورتالىقتان تۇرادى. بۇل سىزگە زەرتتەۋگە وتىنىمدەردى اۆتوماتتى تۇردە جىبەرۋگە، قابىلداۋعا، تىركەۋگە، دياگ­نوز قويۋعا جانە ءدارى-دار­مەك تەراپياسىن تاعايىن­داۋ كەزىندە شەشىم قابىل­داۋعا مۇمكىندىك بەرەدى. اتالعان جۇيەدە دارىگەر مەن ناۋقاس ارنايى قوسىم­شا ارقىلى سويلەسە الادى. جاساندى ينتەللەكت مەحا­نيزمىن قولدانا وتىرىپ، شە­شىم­دەردى قولداۋ جۇيەسى دياگ­نوز قويىلعانعا دەيىن ادام ءۇشىن قاۋىپ دا­رە­جەسىن انىقتاۋعا مۇم­كىندىك بە­رەدى. ونىڭ قا­زىرگى جاع­­دايىن باعالاۋ جانە اس­قىنۋلاردى الدىن الا بولجاۋعا جول اشادى. بۇدان باسقا، جوبا گوسپيتالدىق بلوك­تاعى ءار ناۋقاستىڭ جاع­دايىن اقىلدى مونيتو­رينگتەۋگە ارنالعان ور­تا­­لىقتاندىرىلعان تسيفر­لى جۇيەنى قۇ­رۋى كەرەك، بولجامدى اۋىر­لىق دارەجەسىنە بايلانىس­تى ەمحاناداعى ناۋقاس­تاردىڭ ماقساتتى ءبولىنۋىن انىقتاۋى ءتيىس. ءاربىر ناۋ­قاستىڭ ەم-دومىن جۇر­گىزۋدىڭ ناقتى ستاتيستيكاسى مەن تالداۋى ءۇشىن بىرىڭعاي مەديتسينالىق پلاتفورما قۇرىلادى.

بيزنەس-پروتسەستەردى وڭ­تايلاندىرۋ، ساۋلەلىك دياگنوستيكا بولىمشەسىنىڭ ونىمدىلىگىن ارتتىرۋ (ور­تا ەسەپپەن 70%) جانە قار­جىلىق رەسۋرستار­دى ۇنەمدەۋ ءۇشىن ورتا­لىق­تان­دىرىلعان مەدي­تسينالىق مۇراعات (PACS) جۇيەسىن ەنگىزۋ جوسپارلانىپ وتىر.

ءاربىر مەديتسينالىق ۇيىم 2 جىل ساقتاۋ مەرزى­مىمەن جەرگىلىكتى PACS جۇيە­سىمەن (MINI-PACS SERVER) جابدىقتالادى. قالالىق ۇيىمداردىڭ اقپاراتتىق جۇيەلەرى جەرگىلىكتى PACS جۇيەسىمەن (MINI-PACS SERVER) بىرىكتىرىلمەك. بۇل دەرەكتەر 5 جىل ساقتاۋ مەرزىمىمەن ورتالىقتاندىرىلعان مە­ديتسينالىق مۇراعاتقا (CloudPACS Server) جىبەرۋدى قامتاماسىز ەتەدى. سونىمەن قاتار بارلىق دەرەكتەردى (سۋرەتتەردى) ۆەب-شولۋشى قۇرالى ۇسىنادى. قاجەت بولعان جاعدايدا، كەز كەلگەن ءوندىرۋشى راديو­لوگىنىڭ تولىققاندى ستانساسىن قوسۋعا بولادى.

وسى ارادا ەلىمىز­دە ازىرلەنگەن ورتالىقتان­دىرىلعان مەديتسينالىق مۇراعات (PACS) شەتەل­دىك شەشىمدەرگە قارا­عاندا 2،5 ەسە ارزان ەكە­نىن ايتا كەتۋ كەرەك. ور­تالىق­تاندىرىلعان مە­­­­دي­تسي­نالىق مۇراعات جۇيە­­سىنىڭ (PACS) كومە­گىمەن دياگنوستيكالىق قون­دىرعىلاردان دارى­گەرگە جانە ءبىرىنشى دارى­گەردەن ەكىنشى دارى­گەر­گە بەينەلەردى جىبەرۋ، دەرەك­تەردى ساقتاۋ، كەس­كىن­دەر­دى ەلەكتروندى مۇ­راعاتتا بەرۋ نۇسقالارى قولجەتىمدى بولماق. بارلىق مەديتسينالىق ۇيىمدار دەرەكتەرگە قاشىقتان قول جەتكىزە الادى.

بۇل جوبا جەكە IT-بيز­نەس پەن مەديتسينالىق ۇيىم­دارداعى اكىمشىلىك ءبولىمىنىڭ ءوزارا ءىس-قيمىل ناتيجەسىندەگى جاقسى كەيس­تەرىنىڭ ءبىرى.

 

الماتى

 

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار