رۋحانيات • 15 قىركۇيەك، 2020

مادەنيەت ءمينيسترى جانار تورەباەۆانى قابىلدادى

199 رەت كورسەتىلدى

بۇگىن، 15 قىركۇيەك كۇنى ساعات 16:00-دە مəدەنيەت جəنە سپورت ءمينيسترى اقتوتى رايىمقۇلوۆا فرانتسيانىڭ برەتان ولكەسى، رەنن قالاسىنداعى قازاقستان رەسپۋبليكاسىنىڭ قۇرمەتتى كونسۋلى جانار تورەباەۆانى قابىلدادى، دەپ حابارلايدى Egemen.kz

سونىمەن قاتار جانار Əسكەربەكقىزى فرانتسيا جəنە قازاقستان مەديتسينا عىلىمىنىڭ دوكتورى، "الماتى-رەنن" قالالار باۋىرلاستىعىنىڭ پرەزيدەنتى، فرانتسيا جوعارى دəرىگەرلەر كەڭەسىنىڭ كەڭەسشىسى، رەننمەتروپول پارلامەنتىندەگى سان-جيل اكىمدىگىنىڭ دەپۋتاتى.

جيىندا مينيستر جانار تورەباەۆانى قازاقستان مەن فرانتسيا اراسىنداعى دوستىق قارىم-قاتىناستى نىعايتىپ، قازاق مəدەنيەتىن دامىتۋعا قوسقان ۇلەسى ءۇشىن "مادەنيەت سالاسىنىڭ ۇزدىگى" توسبەلگىسىمەن ماراپاتتادى.

14

ايتا كەتەيىك، جانار تورەباەۆا 2018 جىلى قازاقستان رەسپۋبليكاسىنىڭ رەنن قالاسىنداعى قۇرمەتتى كونسۋلى قىزمەتىنە سايلانعان. سول كەزدەن باستاپ برەتان حالىقارالىق كوممەرتسيا پالاتاسى جانە فرانتسيا سىرتقى ىستەرىنىڭ برەتان ولكەسىندەگى ەكونوميكالىق ديپلوماتىمەن بىرگە قازاقستانعا ينۆەستيتسيا تارتۋ بويىنشا قىرۋار شارۋا اتقارىپ كەلەدى. قازاقستاننىڭ پاريجدەگى ەلشىلىگىمەن بىرلەسىپ، 2018-2019 جىلدان بەرى ەكى ەل اراسىندا اۋىل شارۋاشىلىعى، ەكونوميكا سالاسىندا ەكىجاقتى كەزدەسۋلەر ۇيىمداستىرىپ ءجۇر.

سونىمەن قاتار جانار تورەباەۆا 2014 جىلى رەنن قالاسىنداعى جوعارى كوممەرتسيا ۋنيۆەرسيتەتى مەن الماتى مەنەدجمەنت ۋنيۆەرسيتەتى اراسىندا كونۆەنتسيا جاساۋعا اتسالىسىپ، وسى جوعارى وقۋ ورنىندا وقىپ جۇرگەن قازاق ستۋدەنتتەرگە قامقورلىق كورسەتىپ كەلەدى.

وتكەن جىلدان باستاپ اباي قۇنانباي ۇلىنىڭ 175 جىلدىق مەرەيتويىن رەنن قالاسىندا اتاپ وتۋگە قىزۋ دايىندىق جۇمىستارىن جۇرگىزگەن. برەتان فولكلورلىق مۋزىكا ينسترۋمەنتتەر انسامبلىمەن ناسيحاتتاۋ جۇمىسىن جۇرگىزىپ، رەنن-الماتى باۋىرلاستىعى اياسىندا "الرەنن" كۆارتەتىن قۇرعان. ۇجىم حاكىم اباي ولەڭدەرىن فرانتسۋز تىلىنە اۋدارىپ، رەنن قالاسىندا بولاتىن مەرەيتويعا دايىندادى. ەندى "الرەنن" كۆارتەتى اباي ولەڭدەرىن برەتان جانە دە باسقا ولكەلەردە جىل سايىن بولاتىن فولكلور فەستيۆالىندە ورىندايتىن بولادى.

3

ال 2016 جىلى جانار تورەباەۆا جەرگىلىكتى بيلىكپەن ءۇش جىلداي كەلىسسوزدەر جۇرگىزىپ، رەنن قالاسىنداعى "الماتى" ساياباعىنان اباي ەسكەرتكىشىن اشقىزدى.

2019 جىلى قازاقستان ەلشىلىگى باستاعان اباي شىعارمالارىن ورىنداۋ باستاماسىنا قاتىسىپ، فرانتسيادا جالعاسۋىنا ۇلەس قوستى.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

ۇقساس جاڭالىقتار