وبلىستىق كوپبەيىندى اۋرۋحانا ماڭىنان «باق – بەرەكە 2030» جشس ۆەلوجول, 6 سپورتتىق ويىن الاڭىن سالىپ, اياق سۋ كانالى, تۇنگى جارىق شامدارى مەن ورىندىق, قوقىس جاشىكتەرىن ورناتقان. سونىمەن قاتار 20 717 كوشەت پەن, 61 مىڭعا جۋىق گۇلدەر ەگىلىپ, 10 450 شارشى مەتر اۋماق اباتتاندىرىلعان.
بولاشاق اللەيادا اتقارىلىپ جاتقان جۇمىستى قالا اكىمى نۇرلىبەك نالىباەۆ ارالاپ كوردى. شاھار باسشىسى مەردىگەر جۇمىسىن جوعارى باعالاپ, جاسىل جەلەكتى كوبەيتۋ ماقساتىندا قالا تۇرعىندارىن تال كوشەتتەرىن وتىرعىزۋعا ۇندەۋ كەرەكتىگىن ايتتى.
شاھار باسشىسى «جۇمىسپەن قامتۋ جول كارتاسىنا» ساي اتقارىلعان جۇمىستاردى دا تەكسەردى. قازىرگى تاڭدا «سىر انا» مونۋمەنتىن قايتا جاڭعىرتۋ جۇمىستارى تولىعىمەن اياقتالدى. «تەحنوسناسكا - رەمسەرۆيس» جشس 3150 شارشى مەتر اۋماقتى كوگالداندىرىپ, 348 دانا اعاش كوشەتتەرىن وتىرعىزىپ, 7 900 شارشى مەترگە گازون كوگال توسەگەن. سونىمەن قاتار, 10 454 شارشى جەرگە جاياۋ جۇرگىنشىلەر جولى مەن 2 كومپلەكت سپورتتىق-ويىن الاڭى, 2 سۋ بۇرقاق سالىندى.
س.بەيبارىس كوشەسىنەن قىزىلجارما كانالىنا دەيىن 4,6 شاقىرىمدى قۇرايتىن ماگيسترالدى جول قۇرىلىسى قارقىندى جۇرۋدە. «قىران» جشس جوبا بويىنشا كۇرە جول بويىنا 3 شاقىرىمعا جۋىق ۆەلوجول مەن جاياۋ جۇرگىنشى جولىن, 3 اۆتوتۇراق, 4 ايالداما ورناتىپ, تۇنگى جارىق شامدارمەن قامتيدى. قازىرگى ۋاقىتتا 1,7 شاقىرىم جولعا قيىرشىق تاس توسەلىپ, دامبى بويىن تاسپەن بەكىتۋ جۇمىستارى جۇرگىزىلۋدە.
مەملەكەتتىك باعدارلاما نەگىزىندە جۇزەگە اسقان جوبانىڭ ءبىرى نۇرسۇلتان نازارباەۆ داڭعىلىن اباتتاندىرۋ جۇمىستارى. سىر سۇلەيلەرى اللەياسىنان باستاۋ الىپ تاسبوگەت كەنتىنە دەيىن جالعاساتىن ۇزىندىعى 8 شاقىرىمنان اسا جول بويىن كوگالداندىرىپ, 4 سۋبۇرقاق پەن تروتۋار سالۋدى «اساناس - دار» جشس جاۋاپكەرشىلىككە العان. مەردىگەر جوبا اياسىندا 180 ادامدى جۇمىسپەن قامتىعان.
