وقيعا • 15 قىركۇيەك، 2020

جاڭا سەرۆيس مەديتسينالىق ۇيىمدارداعى بوس ورىندار تۋرالى اقپارات بەرەدى

7 رەت كورسەتىلدى

ەندى «اشىق دەرەكتەر» پورتالىنىڭ سەرۆيستەرىن پايدالاناتىن ازىر­لەۋشىلەر ناقتى ۋاقىت رەجىمىندە COVID-19 ناۋقاستارىنا ارنالعان مەديتسينالىق ۇيىمداردا بوس ورىنداردىڭ بار-جوعى تۋرالى اقپاراتتى كورە الادى. سونداي-اق قاجەتتى مەديتسينالىق تەحنيكانىڭ بولۋىن باقىلاي الادى.

پورتال سەرۆيستەرىندە جاريا­لا­ناتىن بارلىق اقپارات تۇ­راقتى نەگىزدە جاڭارتىلىپ وتىرادى جانە دەنساۋلىق ساقتاۋ مي­نيسترلىگىنىڭ اقپاراتتىق جۇ­­يەلەرىمەن ىق­پال­داسۋدىڭ نا­تيجەسىندە قول­جەتىمدى بولدى. بۇل – وسى سەرۆيستەر مالىمەتتەردى مەملەكەتتىك ورگاننىڭ دەرەكتەر قورىنان تىكەلەي الادى دەگەن ءسوز. دەرەكتەر الماسۋ ءۇشىن JSON ءپىشىمى قولدانىلادى.

«ۇلتتىق اقپاراتتىق تەحنولوگيا­لار» اق باسقارما توراعاسى اسەت تۇرىسوۆتىڭ ايتۋىنشا، مۇنداي ما­لىمەتتەردى ۇسىنۋعا قابىلەتتى سەر­ۆيستەردى جاريالاۋ بۇگىندە وزەكتى.

«اشىق ۇكىمەت» پورتالى­نىڭ كو­مەگىمەن جاس ستارتاپشىلار مەن ازىر­لەۋشىلەرگە ازاماتتارعا پاي­­دالى ونلاين سەرۆيستەردى قۇ­رۋعا كومەكتەسەتىن اقپاراتقا قول جەتكىزۋگە بىرەگەي مۇم­كىندىك بار»، دەدى ءا.تۇرىسوۆ.

وسى سەرۆيستەردىڭ تولىق ما­لى­مەتتەرىن «اشىق دەرەكتەر» پور­تا­لىنىڭ «سيپاتتا­ما» قو­سىمشا بە­تىنەن تابۋعا بولادى.

اشىق ۇكىمەت يدەياسى مەم­لەكەتتىك اقپاراتتىق جۇ­يەلەر­دەن ماڭىزدى مالىمەتتەردى ۇسى­نۋ­عا باعىتتالعانىن اتاپ ءوتۋ كەرەك. «اشىق دەرەكتەر» پورتالىنان باسقا دا، ياعني بيۋدجەت قاراجاتىنىڭ جۇمسالۋىن قوعامدىق باقىلاۋ ارقىلى بەل­سەندى ازاماتتىق ۇستانىمدى دا­مىتۋعا ىقپال ەتەتىن «اشىق بيۋدجەتتەر»; ازىرلەنىپ جات­قان زاڭ جوبالارى مەن نقا جوبا­لارىن تالقىلاۋ ءۇشىن «اشىق نقا»; مەم­لەكەتتىك ورگاندار مەن قوعام اراسىندا سۇراۋ سالۋلار بەرۋ جانە ينتەرنەت-كونفەرەن­تسيالار مەن ساۋالدامالارعا قا­تىسۋ ارقىلى ءتيىمدى كەرى بايلانىس ورناتۋ ءۇشىن «اشىق ديالوگ» پورتالدارى قولجەتىمدى.

ايتا كەتەلىك، «ۇلتتىق اق­پا­راتتىق تەحنولوگيالار» اق «ەلەكتروندىق ۇكىمەتتىڭ» ينفوكوممۋنيكاتسيالىق ينفرا­قۇرىلىمىنىڭ جانە مەملە­كەتتىك ورگانداردىڭ بىرىڭعاي كولىك جۇيەسىنىڭ وپەراتورى، سونداي-اق ور­تا­لىق جانە وڭىرلىك مەم­لەكەتتىك ور­گانداردىڭ اقپاراتتىق جۇيەلەرىنە جۇيەلىك-تەحنيكالىق قىزمەت كورسەتۋدى جۇزەگە اسىرادى.

 

 

سوڭعى جاڭالىقتار

ۇقساس جاڭالىقتار