بۇل كومەك "سامۇرىق-قازىنا" اكتسيونەرلىك قوعامى مەن قازاقستان رەسپۋبليكاسى دەنساۋلىق ساقتاۋ مينيسترلىگى اراسىنداعى ىنتىماقتاستىق تۋرالى مەموراندۋم اياسىندا كورسەتىلگەن. "سامۇرىق-قازىنا" اق كومپانيالار توبىنىڭ بىرىڭعاي قايىرىمدىلىق وپەراتورى - "Samruk-KazynaTrust" الەۋمەتتىك جوبالاردى دامىتۋ قورى» قاجەتتى جابدىقتى ساتىپ الىپ, وڭىرلەرگە تاپسىردى.
وڭىردەگى مەديتسينا مەكەمەلەرى وكپەنى جاساندى جەلدەتەتىن 4 قۇرال, 30 وتتەگى كونتسەنتراتورى, 60 پۋلستىك وكسيمەترگە يە بولدى. سونداي-اق, وڭىرگە "شەۆرولەت-داماس" ماركالى ەكى جەدەل جاردەم كولىگى كەلدى. بۇل كولىكتەر ورال قالاسىنداعى ەكى ەمحاناعا بەرىلدى.
"سامۇرىق-قازىنا" مەن "Samruk-Kazyna Trust Fund" كورسەتكەن كومەك بىزگە دەر كەزىندە كەلدى. سول ءۇشىن دەمەۋشىلەرگە كوپ العىس ايتقىم كەلەدى. بۇل جابدىقتار ءبىزدىڭ وبلىستىق جالپى اۋرۋحانا ءۇشىن كوروناۆيرۋسپەن كۇرەستە جاقسى نەگىز بولدى. ءبىز قازىر ەلدى الاڭداتىپ وتىرعان ىندەتتىڭ ەكىنشى تولقىنىنا جاقسى دايىندىق جاسادىق دەپ ۇمىتتەنەمىز. سونىمەن قاتار, بۇل قۇرىلعىلار باسقا دا اۋرۋلارمەن اۋىراتىن ناۋقاستارعا دا كومەكتەسەدى", دەدى وبلىستىق كوپبەيىندى اۋرۋحانا ديرەكتورى ارمان بايدەۋوۆ.
ايتا كەتەرلىگى, وسىنداي جابدىقتار ءار وبلىسقا, سونداي-اق رەسپۋبليكالىق ماڭىزى بار قالالارعا دا بەرىلەدى ەكەن.
"بۇل شارانىڭ بارلىعى ۇلتتىق دەنساۋلىق ساقتاۋ جۇيەسىن نىعايتۋ ءۇشىن, جۇقپالى اۋرۋلارعا, ونىڭ ىشىندە COVID-19 كوروناۆيرۋستىق ينفەكتسياسىنا قارسى تۇرۋ ءۇشىن جاسالعان", دەيدى "سامۇرىق-قازىناتراست" قورىنىڭ رەسمي وكىلى ميراس ىرگەباەۆ.
جوعارىدا ايتىلعان مەموراندۋم شەڭبەرىندە قازاقستاننىڭ مەديتسينالىق مەكەمەلەرىنە بارلىعى 100 جەدەل جاردەم كولىگى, 1000 وتتەگى كونتسەنتراتورى, 50 جەلدەتكىش جانە 1000 پۋلستىك وكسيمەتر جەتكىزىلگەن.
باتىس قازاقستان
