الدىن الۋ جۇمىستارى ەۆاكۋاتسيالاۋ ارنالارىن كەڭەيتۋ جانە تەرەڭدەتۋ, سونداي-اق ديامەترى 200-دەن 300 مم-گە دەيىنگى سيفونداردى ورناتۋ جانە ىسكە قوسۋ ءۇشىن ارنايى شاعىن كولەمدى تەحنيكانى پايدالانا وتىرىپ, قولمەن دە, جارۋ تاسىلىمەن دە جۇرگىزىلەدى.
اعىمداعى جىلدىڭ ماۋسىم ايىنان باستاپ الماتى قالاسى مەن الماتى وبلىسىنىڭ اۋماعىندا 17 اسا سەرپىندى قاۋىپتى مۇزداق كولدەردە جۇمىستار جۇرگىزىلۋدە, ونىڭ ىشىندە 15 كولدە (اقسۋ وزەنىنىڭ باسسەيندەرىندە №49, №50, №18 بۇيەن كولى, №19 تالعار كولى, سارقان كولى, اقكول كولى, كىشى الماتى كولى №6, ۇلكەن الماتى كولى №10, №13, اقساي كولى №8, №9, №10, قورعاس كولى №2 قاپقان, ەسىك كولى №22,№23, قاسكەلەڭ كولى № 15) كولەمدەردى تومەندەتۋ بويىنشا جۇمىستار اياقتالدى, 2 كولدە جۇمىستار جالعاسۋدا.
اعىمداعى جىلى جاعدايدى باعالاۋ ءۇشىن قازسەلدەنقورعاۋ, تجد جانە جەرگىلىكتى اتقارۋشى ورگانداردىڭ ماماندارى ىلە, كۇنگەي, جەتىسۋ, قىرعىز جانە تالاس الاتاۋ, تارباعاتاي, تۇرعىسىن جوتالارىنىڭ باسسەيندەرى بويىنشا 1 703 جەرۇستى قاۋىپتى ۋچاسكەگە تەكسەرۋ جانە 24 اەروۆيزۋالدى تەكسەرۋ جۇرگىزدى.
گيدرومەتەورولوگيالىق جاعدايدى باعالاۋدى جانە تاۋ وزەندەرىن باقىلاۋدى قازسەلدەنقورعاۋدىڭ 112 بەكەتى مەن 29 ديسپەتچەرلىك پۋنكتى قامتاماسىز ەتەدى.
وزەندەر مەن اۆتوجولدار ارنالارىنىڭ قاۋىپتى ۋچاسكەلەرىندە 285 اقپاراتتىق قالقان جانە ەسكەرتۋ بەلگىلەرى قويىلعان.
قۇرامىندا 115 ادام جانە 64 بىرلىك قازسەلدەنقورعاۋ تەحنيكاسى بار 12 اۆاريالىق-مەحانيكالاندىرىلعان بريگادا قۇرىلدى.
