ونىڭ ايتۋىنشا, №2 قالالىق ەمحانانىڭ باس عيماراتىنان بولەك 3 فيليالى بار. قالا بويىنشا 64 454 استام تۇرعىنعا قىزمەت كورسەتەدى. دۋمان ىقشام اۋدانىندا 12 مىڭداي ادامدى قابىلدايتىن جانە سۇلۋساي, كەڭساي ىشقام اۋداندارىندا بولىمشەسى بار. ەمحانا سانيتارلىق نورمالارعا ساي جۇمىس ىستەپ جاتىر.
"كوروناۆيرۋس ينفەكتسياسىنىڭ شارىقتاۋ كەزەڭىندە ءبىزدىڭ ەمحانادا 12 ءموبيلدى توپ جۇمىس اتقاردى. قازىر ەمحاناداعى جاعداي تۇراقتى, دارىگەرلەردىڭ باقىلاۋىندا كوروناۆيۋرس جۇقتىرعان ءۇش ناۋقاس قانا بار. سوندىقتان 5 ءموبيلدى توپ جۇمىس ىستەپ جاتىر. وعان قوسا كولل-ورتالىق ىسكە قوسىلعان", دەيدى دارىگەر.
سونىمەن قاتار, ول الداعى كۇز, قىس, كوكتەم ايلارىندا ينفەكتسيانىڭ جاڭا تولقىنى بولۋى مۇمكىن دەگەن بولجام جاسالعانىن ايتتى. بۇل كەزدە ادەتتەگىدەي سۋىق تيۋ, باكتەريالدى ينفەكتسيا, تۇماۋ مەن پنەۆمونيا اۋرۋلارى بەلەڭ الاتىن كورىنەدى.
"پاندەمياعا بايلانىستى وسى ارالىق قاۋىپتى بولۋى مۇمكىن. سوندىقتان بارلىق مەديتسينالىق ۇيىمداردا دايىندىق جۇمىستارى جۇرگىزىلىپ, تۇماۋدىڭ الدىنا الۋ بويىنشا ەكپە سالىنۋدا. ول بىرىنشىدەن وسال توپتارعا سالىنادى, ولار ءجيى اۋىراتىن 18 جاسقا دەيىنگى بالالار, سوزىلمالى اۋرۋى بار تۇلعالار, جۇكتى ايەلدەر, 60 جاستان اسقان ەرەسەكتەر, سونىمەن قاتار بالالار ءۇيى, قارتتار ءۇيىنىڭ تۇرعىندارى بار", دەيدى ول.
كوروناۆيرۋستىڭ ەكىنشى تولقىنىنا دايىندىق بارىسىندا ماۋسىم ايىنىڭ 15-ءى مەن شىلدەنىڭ 15-ءى ارالىعىنداعى جاعدايعا مونيتورينگ جاسالعان. وسى ارالىقتا كوروناۆيرۋسپەن اۋىرعاندار ەڭ كوپ تىركەلگەن.
"مۇنداي مونيتورينگتىڭ پايداسىنا كەلسەك, ول قاجەت كەزىندە قانشا كادر تارتۋ كەرەكتىگىن جانە نەگىزگى ءدارى-دارمەك قورىن جاساۋعا مۇمكىندىك بەرەدى. سونداي-اق كوروناۆيرۋس اۋرۋى كەزىندە ارەكەت ەتۋ الگوريتمى ازىرلەندى. وعان قوسا كوروناۆيرۋس اۋرۋىنىڭ الدىن الۋ جونىندەگى اقپاراتتىق ەسكەرتپەلەردى تاراتىپ جاتىرمىز", دەيدى ن.قالمۇراتوۆا.
