الەم • 14 قىركۇيەك، 2020

الەمدە كوروناۆيرۋس جۇقتىرعانداردىڭ رەكوردتىق كورسەتكىشى تىركەلدى

47 رەت كورسەتىلدى

الەمدە ءبىر تاۋلىكتە 300 مىڭنان اسا ادام كوروناۆيرۋس جۇقتىردى، دەپ حابارلايدى Egemen.kz.

الەمدە كوروناۆيرۋستىق ينفەكتسيانىڭ راستالعان جاعدايلارىنىڭ سانى 28،6 ميلليوننان اسىپ، 24 ساعات ىشىندە 308 مىڭعا ارتتى، بۇل پاندەميا كەزىندەگى ەڭ جوعارى ءوسىم. ددۇ جاريالاعان مالىمەتتەرگە سايكەس، ءولىم سانى 5،6 مىڭعا ارتىپ، 917 مىڭنان استى.

ددۇ ستاتيستيكاسى مەملەكەتتەر ۇسىنعان ينفەكتسيا جانە ءولىم جاعدايلارى تۋرالى رەسمي راستالعان مالىمەتتەردى عانا ەسكەرەدى.

سولتۇستىك جانە وڭتۇستىك امەريكا ايماعى ۆيرۋس جۇقتىرعاندار سانى بويىنشا ءبىرىنشى ورىندا -14 699 174. ءبىر تاۋلىك ىشىندە بۇل كورسەتكىش 132 464-كە ءوستى. وندا قايتىس بولعانداردىڭ سانى 3 308-گە ارتىپ، 508 705-كە جەتتى. وڭتۇستىك - شىعىس ازيا ايماعىندا 5 377 062 ادام ىندەت جۇقتىرعان جانە 92 391 ناۋقاس قايتىس بولعان. 24 ساعات ىشىندە جۇقتىرعاندار سانى 101 119-عا ءوستى، 1 270 ادام قايتىس بولدى.

الەمدە كوروناۆيرۋستى جۇقتىرعاندار سانى بويىنشا ءۇشىنشى ورىندا ەۋروپالىق ايماق. وندا جۇقتىرعاندار سانى 4 796 426-عا جەتتى، 225 494 ءولىم تىركەلدى. ءبىر تاۋلىك ىشىندە جۇقتىرعاندار سانى 48 921 - گە، قايتىس بولعاندار سانى 367-گە ارتتى.

جۇقتىرعانداردىڭ كوپشىلىگى اقش - تا تىركەلگەن. مۇندا 6 386 832 ادام ينفەكتسيا جۇقتىردى. ودان كەيىنگى ورىنداردا ءۇندىستان (4 754 356)، برازيليا (4 282 164)، رەسەي (1 062 811)، پەرۋ (716 670)، كولۋمبيا (702 088)، مەكسيكا (658 299)، وار (648 214)، يسپانيا (566 326) جانە ارگەنتينا (535 705) تۇر.

 

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار