وعان اتالعان اگەنتتىك توراعاسىنىڭ ورىنباسارى دارحان جازىقباەۆ, ورتالىق مەملەكەتتىك جانە جەرگىلىكتى اتقارۋشى ورگانداردىڭ, قوعامدىق جانە ۇكىمەتتىك ەمەس ۇيىمداردىڭ, «ۇلتتىق اقپاراتتىق تەحنولوگيالار» اق, «ازاماتتارعا ارنالعان ۇكىمەت» مەملەكەتتىك كورپوراتسياسى كەاق وكىلدەرى قاتىستى.
جيىن بارىسىندا بۇزۋشىلىقتاردى انىقتاۋ جانە الدىن الۋ, اكىمشىلىك كەدەرگىلەر, كارانتين كەزىندە مەملەكەتتىك قىزمەت كورسەتۋ بويىنشا جۇمىستىڭ ناشار ۇيىمداستىرىلۋى, زاڭسىز دەلدالدىق قىزمەت كورسەتۋ, اقپاراتتىق جۇيەلەردەگى تەحنيكالىق ولقىلىقتار, «ەلەكتروندى ۇكىمەت» پورتالىنداعى قولجەتىمسىز قىزمەتتەر بويىنشا ورتالىق مەملەكەتتىك جانە جەرگىلىكتى اتقارۋشى ورگانداردىڭ ءتيىمسىز جۇمىسى نازارعا الىندى.
بۇگىندە قىزمەتتىڭ 87,6%-ى (694 قىزمەتتىڭ 608 ءتۇرى) ەلەكتروندى تۇردە كورسەتىلۋى ءتيىس. الايدا اگەنتتىك 68 قىزمەتتىڭ حالىققا قولجەتىمسىزدىگىن انىقتادى. ماسەلەن, ءبىلىم جانە عىلىم مينيسترلىگىندە – 13, قارجى مينيسترلىگىندە – 13, ەڭبەك جانە حالىقتى الەۋمەتتىك قورعاۋ مينيسترلىگىندە – 11, اۋىل شارۋاشىلىعى مينيسترلىگىندە – 8, ەكولوگيا, گەولوگيا جانە تابيعي رەسۋرستار مينيسترلىگىندە – 5, قورعانىس مينيسترلىگىندە – 4, ىشكى ىستەر مينيسترلىگىندە – 4, ادىلەت مينيسترلىگىندە – 2, دەنساۋلىق ساقتاۋ مينيسترلىگىندە – 2, ۇلتتىق ەكونوميكا مينيسترلىگىندە – 2, يندۋستريا جانە ينفراقۇرىلىمدىق دامۋ مينيسترلىگىندە – 1, مادەنيەت جانە سپورت مينيسترلىگىندە – 1, ەنەرگەتيكا مينيسترلىگىندە 1 قىزمەت قولجەتىمسىز بولىپتى.
مەملەكەتتىك ورگانداردىڭ قىسقا مەرزىمدە ەلەكتروندى قىزمەتتەرىن پورتالدا, ونىڭ ىشىندە «تىڭداۋ» جوباسى اياسىندا تۇسكەن قىزمەتتەردىڭ قولجەتىمدىلىگىن قامتاماسىز ەتۋ تۋرالى د.جازىقباەۆ اتاپ ءوتتى.
اگەنتتىكتىڭ مەملەكەتتىك كورسەتىلەتىن قىزمەتتەر دەپارتامەنتىنىڭ ديرەكتورى يلدار ۇيسىمباەۆ ءوز سوزىندە ورتالىق مەملەكەتتىك جانە جەرگىلىكتى اتقارۋشى ورگاندار مەملەكەتتىك قىزمەتتەر سالاسىنداعى بۇزۋشىلىقتاردىڭ پايدا بولۋ سەبەپتەرى مەن جاعدايلارىن جويۋ بويىنشا جۇرگىزىلگەن جۇمىسى ءوز دەڭگەيىندە بولماعانىن جەتكىزدى. ناتيجەسىندە, وتكەن جىلدىڭ وسى كەزەڭىمەن سالىستىرعاندا بيىل جىل باسىنان باستاپ قىزمەت كورسەتۋشىلەر جىبەرگەن بۇزۋشىلىقتار سانى 35% ارتىپ وتىر (2020 جىل – 103 مىڭ, 2019 جىل – 65 مىڭ).
سونداي-اق مەملەكەتتىك ورگانداردىڭ مەملەكەتتىك قىزمەتتەردى كورسەتۋ كەزىندە قاعازباستىلىق پەن اكىمشىلىك كەدەرگىلەر جاساۋى, جەرگىلىكتى جەردەگى مەملەكەتتىك قىزمەتشىلەر قاشىقتىقتان جۇمىس جاساۋ رەجىمىنە تولىققاندى كوشۋدى قامتاماسىز ەتپەگەندىگى تۋرالى فاكتىلەر انىقتالدى. وسىعان بايلانىستى, مەملەكەتتىك قىزمەتتەردى كورسەتۋ مەرزىمدەرى بۇزىلىپ وتىر. مەملەكەتتىك قىزمەتتەردى كورسەتۋ ءتارتىبىن رەتتەيتىن بىرىڭعاي نورماتيۆتىك قۇقىقتىق اكتىلەردى ۋاقتىلى قابىلداۋ مەن كۇشىن جويۋ ورىن الدى.
د.جازىقباەۆ مەملەكەت باسشىسىنىڭ جولداۋىندا حالىقتىڭ ەلەكتروندى سەرۆيستەرمەن ءىس-قيمىلىن جەڭىلدەتۋ ءۇشىن بيومەتريانى مەملەكەتتىك قىزمەتتەر دەڭگەيىندە جانە جەكە بيزنەستە كەڭىنەن قولدانۋ قاجەت ەكەندىگىن اتاپ ءوتتى. «ەلەكتروندى قىزمەتتەرگە دەگەن سۇرانىستىڭ كۇننەن-كۇنگە كوبەيىپ جاتقانىن ەسكەرە وتىرىپ, ۋاكىلەتتى ورگان ەتسق-نى قاشىقتىقتان الۋدى سمارتفوندار ارقىلى جۇزەگە اسىرۋدى پىسىقتاۋ قاجەت دەپ پايىمدايمىز. سونداي-اق سۇرانىسقا يە قىزمەتتەردى «ەلەكتروندى ۇكىمەت» پورتالىنىڭ ءموبيلدى قوسىمشاسى ارقىلى كورسەتۋدى قاراستىرۋ قاجەت. مەملەكەتتىك قىزمەتتەر سالاسىن تسيفرلاندىرۋعا انىقتامالاردى جانە قىزمەتتەردى قاعاز تۇرىندەگى بالاماسىن جويۋ دا ءوز سەپتىگىن تيگىزەدى», دەدى د.جازىقباەۆ.
جيىن سوڭىندا ورتالىق مەملەكەتتىك جانە جەرگىلىكتى اتقارۋشى ورگاندارعا, «ۇات» اق, مەملەكەتتىك كورپوراتسياعا انىقتالعان بۇزۋشىلىقتاردى جويۋ, مەملەكەتتىك قىزمەتتەردى كورسەتۋ ساپاسىن ارتتىرۋ بويىنشا جۇمىستاردى كوشەيتۋ, سونداي-اق حالىقپەن كەرى بايلانىس جاساۋ جانە الەۋمەتتىك جەلىلەردە ولارعا جەدەل ارەكەت ەتۋ بويىنشا ناقتى ۇسىنىمدار بەرىلدى.
